كومپيۋتەر الدىنداعى ۋاقىت ساباق ۇلگەرىمىنە اسەر ەتەمە - زەرتتەۋ

يسپانياداعى حايمە 1- ۋنيۆەرسيتەتىنىڭ عالىمدارى 23 مەملەكەتتە وتكىزىلگەن 58 زەرتتەۋدى قاراستىرىپ، وسىنداي شەشىمگە كەلدى، دەپ جازادى JAMA Pediatrics باسىلىمى.

اۆتوردىڭ ايتۋىنشا، ميرەي ادەلانتادو رەناۋ باستاعان زەرتتەۋشىلەر توبى ءتورت جاستان ون سەگىز جاسقا دەيىنى 480 مىڭ بالانىڭ تەلەديدار مەن كومپيۋتەر الدىنداعى ۋاقىتىنىڭ ساباق ۇلگەرىمى مەن باعاسىنا اسەرىن زەرتتەگەن. عالىمدار گادجەت الدىنداعى ۋاقىت ساباق ۇلگەرىمىنە اسەر ەتپەيدى دەگەن قورىتىندىعا كەلدى.

«بۇل زەرتتەۋ XXI عاسىرداعى ءومىردىڭ ەلۋ جىل بۇرىنعى ومىردەن ەرەكشەلەنەتىنىن كورسەتەدى. قازىرگى تاڭدا كەيبىر مىندەتتەردى ەكران الدىندا اتقارۋعا بولادى. اتا-انالار بالانىڭ كومپيۋتەر الدىنداعى ۋاقىتى زيان ەمەس ەكەنىن، ءبىراق بالا ەكران الدىندا نە ىستەپ وتىرعانىن ءبىلۋ ماڭىزدى ەكەنىن ەسكەرۋلەرى كەرەك»، دەپ جازادى اۆتورلار.

ولاردىڭ ايتۋىنشا، ۆيدەوويىندار اكدەميالىق ۇلگەرىمگە كەرى اسەر ەتەدى، ال پايداسىز تەلەباعدارلامالاردى ءجيى كورۋ لينگۆيستيكالىق جانە ماتەماتيكالىق قابىلەتتەردى تومەندەتەدى.

«بالا ءوز ءوزىن باقىلاي المايدى»، دەيدى عالىمدار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى