ەۋرازيا ەلدەرى پارلامەنتتەرى ءتوراعالارىنىڭ كەڭەسىندە قانداي ماسەلەلەر قوزعالدى
«ونىڭ قاتىسۋشىلارى ەۋرازيا قۇرلىعىنداعى ينتەگراتسيالىق پروتسەستەرگە زور قىزىعۋشىلىقتارىن ءبىلدىردى. ءتورتىنشى جالپى وتىرىس ءوتتى. كەڭەس فورماتى تاقىرىپتاردىڭ بارىنشا كەڭ اۋقىمىن، ونىڭ ىشىندە وڭىردەگى بەيبىتشىلىك پەن تۇراقتىلىقتى نىعايتۋ، ەكسترەميزم مەن تەرروريزمگە قارسى تۇرۋ، مادەنيەتتەر وركەنيەتى ديالوگىن دامىتۋ، ەلدەرىمىزدىڭ ەكونوميكاسىن يننوۆاتسيالىق دامىتۋ، سيفرلاندىرۋ، الەۋمەتتىك پروبلەمالاردى شەشۋ ماسەلەلەرىن تالقىلاۋعا مۇمكىندىك بەردى. بارلىق ءسوز سويلەۋشىلەر ساياسي، ەكونوميكالىق، قۇقىقتىق جانە گۋمانيتارلىق سالالارداعى ىنتىماقتاستىقتى كەڭەيتۋ ءۇشىن ەۋرازيا كەڭىستىگىندەگى پارلامەنتارالىق ديالوگتى دامىتۋدى جاقتادى»، - دەدى نۇرلان نىعماتۋلين ب ا ق وكىلدەرىنە ارنالعان بريفينگتە.
ونىڭ اتاپ وتۋىنشە، كەڭەس ءوزارا سەنىمدى نىعايتۋ جانە حالىقارالىق ارەنادا ورتاق مۇددەنى قولداۋ نەگىزىندە ەۋرازيا ەلدەرىنىڭ اراسىندا تۇرعان مىندەتتەردى بارىنشا ءتيىمدى شەشۋگە سەپتىگىن تيگىزەدى.
«بىرلەسكەن مالىمدەمەدە ەۋرازيالىق ينتەگراتسيا يدەياسىنىڭ اۆتورى ءارى باستاماشىسى ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ تاريحي ءرولىنىڭ اتالىپ وتىلگەندىگى قۋانتارلىق جايت، ريزاشىلىعىمىزدى بىلدىرەمىز. سونىمەن قاتار ەۋرازيا كەڭىستىگىندەگى قاۋىپسىزدىك پەن تۇراقتى دامۋ ءۇشىن كونسترۋكتيۆتى ءوزارا ءىس-قيمىلدى، ىنتىماقتاستىقتى دامىتۋعا ۇمتىلىس پەن نيەتتەستىك اتالىپ ءوتتى»، - دەدى ءماجىلىس ءتوراعاسى.
