ىشكى ىستەر ءمينيسترى اقتاۋداعى وقۋشىلار توبەلەسىنە تۇسىنىك بەردى

«كەشە كەشكە №12 جانە №16 -مەكتەپتە وقيتىن بالالار فۋتبول ويناعان، ياعني ويىنعا 9-11 -سىنىپ وقۋشىلارى قاتىسقان. فۋتبول اياقتالعاننان كەيىن بالالار اراسىندا كەلىسپەۋشىلىك ورىن الىپ، ونىڭ سوڭى توبەلەسكە ۇلاسقان. بۇل جانجال ولاردىڭ ءبىر-بىرىنە تاس پەن بوتەلكە لاقتىرۋىنان باستالدى»، - دەدى ە. تۇرعىمبايەۆ.

ءمينيستردىڭ اتاپ وتۋىنشە، قۇقىق قورعاۋ ورگاندارىنا جاقىن ماڭداعى ۇيلەردىڭ تۇرعىندارى حابار بەرگەن.

«حابار تۇسكەننەن كەيىن پوليتسيا جاساعى سول جەرگە باردى. 25 وقۋشى ۇستالىپ، ىشكى ىستەر ورگاندارىنا جەتكىزىلدى. سونىمەن قاتار، ولاردىڭ اتا-انالارى مەن پەداگوگتار، وبلىستىق ءبىلىم باسقارماسىنىڭ ماماندارى شاقىرتىلدى. ءتيىستى پروفيلاكتيكالىق جۇمىستار جۇرگىزىلىپ، وقۋشىلار ۇيىنە جىبەرىلدى»، - دەدى مينيستر.

بۇدان بۇرىن حابارلانعانداي، اقتاۋدا 12- شاعىناۋدانداعى №61 -ءۇيدىڭ جانىندا جاپپاي توبەلەس بولدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى