جەتى جاسىندا كولورادو ۋنيۆەرسيتەتىنىڭ ستۋدەنتى اتانعان بالا

4 ايلىعىندا ءتىلى شىققان. اكەسى سول كەزدە: «مەنىڭ ۇلىم - دانىشپان. كيم سياقتىلار 1000 جىلدا ءبىر رەت ومىرگە كەلەدى»- دەگەن ەكەن. 8 ايلىعىندا الگەبرالىق ەسەپتەردى وڭاي شەشكەن جاس دانىشپان، 4 جاسقا تولعاندا كورەي، جاپون، اعىلشىن جانە نەمىس تىلدەرىن ەركىن مەڭگەرگەن. ول 4 جاسقا تولعاندا حانيان ۋنيۆەرسيتەتىنىڭ فيزيكا فاكۋلتەتىنە شاقىرتۋ العان. ال 7 جاسقا تولعاندا كولورادو ۋنيۆەرسيتەتىنىڭ ستۋدەنتى اتانعان.

كيم ا ق ش- تا 10 جىل تۇرىپ، فيزيكا سالاسى بويىنشا ديپلوم الدى جانە NASA- دا جۇمىس ىستەدى.

ونىڭ ەسىمى گيننەستىڭ رەكوردتار كىتابىنا زياتكەرلىك دەڭگەيى ەڭ جوعارى ادام رەتىندە ەنگەن. كيمنىڭ IQ بالى - 220. قازىر ول بالالىق شاعىن وكىنىشپەن ەسكە الادى. كيمنىڭ ايتۋىنشا، ول ەشقاشان باسقا بالالار سىندى ويناماعان. تەك روبوت سىندى جۇمىس ىستەگەن، وقىعان. بىردە- ءبىر دوسى دا بولماعان. كيم وتانىنا ورالعاندا كوشەدەگى ادامداردىڭ مۇنى تانىعانىنا تاڭقالعان. ول وزگەلەر سياقتى قاراپايىم ماماندىق الىپ، قوڭىر تىرشىلىك كەشۋدى قالاعان.

ستاندارتتى اتتەستات الۋ ءۇشىن كيم مەكتەپتە ەمتيحان تاپسىرعان. تەك ەكىنشى رەت تاپسىرعاندا عانا ەمتيحاننان وتە العان ەكەن. سوسىن ول چۋنبۋك ۇلتتىق ۋنيۆەرسيتەتىندە ءبىلىم العان. ارينە، ول ۋنيۆەرسيتەتى ءبىر نەمەسە ەكى جىلدا ءتامامداپ شىعۋعا قاۋقارلى ەدى. ءبىراق وزگە ستۋدەنتتەر سىندى وقىعان، دارىستەرگە قالماي قاتىسقان، بارلىق ەمتيحانداردى تاپسىرعان. سوڭىندا كيم ۋنيۆەرسيتەتتى ءبىتىرىپ، ازاماتتىق قۇرىلىس ماماندىعى بويىنشا ديپلوم العان. وسىدان سوڭ كيم باسقالار سىندى قالىپتى عۇمىر كەشكەن.

بىرنەشە جوعارى وقۋ ورنىندا ءدارىس وقىعان، عىلىممەن اينالىسىپ، پروفەسسور اتاعىن العان. كيم ۋن ەن قازىرى ومىرىنە ءدان ريزا. وزىنە قۋانىش سىيلايتىن ىسپەن اينالىسقانىنا وكىنبەيدى. دانىشپانشا اياعى جەرگە تيمەي ءومىر ءسۇرۋدىڭ ورنىنا قوڭىر تىرلىكتى تاڭداعان كيم - كوپتەگەن ادامدار ءۇشىن ۇلگى بولارلىق تۇلعا.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى