كۇرەستەن الەم چەمپيوناتى: قوس بالۋانىمىز جارتىلاي فينالعا شىقتى

بۇگىن گرەك- ريم كۇرەسىنەن 55, 63, 72 جانە 82 كەلى سالماقتاعى بالۋاندار كىلەمگە شىقتى.

قازاق بالۋاندارىنىڭ اراسىنان العاش بولىپ كىلەمگە شىققان 72 كەلىدەگى دەمەۋ جادىرايەۆ ءبىرىنشى بەلدەسۋىندە جەڭىسكە جەتكەن بولاتىن. وكىنىشكە قاراي، 2- كەزدەسۋىندە گەرمانيالىق قارسىلاسىنا 4:3 ەسەبىمەن ەسە جىبەردى.

ال 63 كەلىدە باق سىنايتىن المات كەبىسپايەۆ العاشقى كەزدەسۋدە ءۇندىستاندىق قارسىلاسىن، ەكىنشى بەلدەسۋدە قىتايلىق ەرباتۋ تۋونى جەڭسە، ءۇشىنشى اينالىمدا تۇركيالىق قارسىلاسىن 7:4 ەسەبىمەن ۇتىپ، الەم چەمپيوناتىنىڭ جارتىلاي فينالىنا شىقتى.

82 كەلى سالماقتا سىنعا ءتۇسىپ جاتقان ماقسات ەرەجەپوۆ 2-  كەزدەسۋىندە بەلارۋستىك قارسىلاسىن (ۆيكتار ساسۋنوۆسكي) 2:1 ەسەبىمەن جەڭدى. ءۇشىنشى كەزدەسۋىندە جاراقات الىپ، ازەربايجان سپورتشىسىنا جول بەردى.

ال 55 كەلىگە دەيىنگى سالماقتا ەل نامىسىن قورعاپ جاتقان قورلان جاقانشا ءبىرىنشى اينالىمدا الجيرلىك فەرگات ابدەلكاريمدى ۇتسا، شيرەك فينالدىق كەزدەسۋدە دە قارسىلاسىنان ايلاسىن اسىرىپ، الەم چەمپيوناتىنىڭ جارتىلاي فينالىنا جولداما الدى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى