توكيوعا سۇراپىل تايفۋن ءتونىپ كەلەدى
شامامەن تاڭعى 5 تە فاكساي تايفۋنى تيبا قالاسىنىڭ اۋماعىنا كەلىپ جەتكەندىكتەن، East Japan Railway Co. كومپانياسى ۇلكەن توكيو اۋدانىنداعى قوزعالىسىن توقتاتتى. تەمىر جولدار تەكسەرىستەن وتكەننەن كەيىن JR East كومپانياسى ساعات 10 عا قاراي جۇمىسىن قايتا باستايتىن بولادى.
جەرگىلىكتى بيلىك وكىلدەرىنىڭ حابارلاماسىنا سايكەس، تيبا پرەفەكتۋراسىنىڭ تاتەياما قالاسىندا جانە جاقىن ماڭداعى وڭىرلەردە وننان استام، ال تيبادا 10 ادام جاراقات العان. كاناگاۆا پرەفەكتۋراسىندا تاعى دا 5 ادام جارالانعان.
بۇل ماۋسىمداعى 15-تايفۋن يباراكي پرەفەكتۋراسىنىڭ ميتو قالاسىنان سەكۋندىنا 30 شاقىرىم جىلدامدىقپەن تاڭعى 8 گە قاراي وڭتۇستىك-باتىسقا جىلجىدى.
جاپونيالىق مەتەورولوگيالىق اگەنتتىكتىڭ مالىمەتىنشە، تايفۋننىڭ ورتاسىنداعى اتموسفەرالىق قىسىم 960 گ پ ا (گەكتوپاسكال) قۇرادى، ال جەلدىڭ جىلدامدىعى ساعاتىنا 216 شاقىرىم بولدى. مەتەوقىزمەت قاتتى جاۋىن-شاشىننان كەيىن سەل كوشكىنىنىڭ نەمەسە سۋ تاسقىنىنىڭ بولۋى مۇمكىن ەكەنىن ەسكەرتتى.
Tokyo Electric Power Company Holdings Inc مالىمەتىنشە، تيبا جانە كاناگاۆا پرەفەكتۋرالارىنداعى 920 تۇرعىن ءۇي ۋاقىتشا جارىقسىز قالعان. توكايدو-سينكانسەن باعىتىنداعى توكيو جانە وداۆارا ستانسالارىنىڭ اراسىنداعى جولداردا قوقىس پەن قالدىقتار جينالعان سوڭ، Central Japan Railway Co كومپانياسى ساعات 7:40 تا جولاۋشىلار تاسىمالدايتىن جۇردەك پويىزداردىڭ قوزعالىسىن جاڭارتتى.
توكيونىڭ حانەدا اۋەجايىنان ۇشىپ، قوناتىن كوپتەگەن رەيستەر جەكسەنبى كۇنى كەشكىسىن توقتاتىلا باستادى.
دۇيسەنبى تاڭىنان 24 ساعات بۇرىن سيدزۋوكا پرەفەكتۋراسىنداعى يدزۋ قالاسىنا 440 ميلليمەتردەن استام جاۋىن-شاشىن ءتۇستى.
بۇل تيبا پرەفەكتۋراسىنا كەلگەن 9-تايفۋن. سوڭعى تايفۋن پرەفەكتۋرادا 2016-جىلعى تامىزدا سوققان.
