ءاربىر ازاماتتىڭ مۇددەسى ءبىز ءۇشىن وتە ماڭىزدى - توقايەۆ
بۇل تۋرالى بۇگىن ۇلتتىق قوعامدىق سەنىم كەڭەسىنىڭ العاشقى وتىرىسىندا قازاقستان پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«بىرىنشىدەن - پىكىر پريۋليازيمى. ۇلتتىق كەڭەستە ءارتۇرلى الەۋەتتىك كاسىبي توپتار، سونىمەن قاتار ەكونوميكالىق، ساياسي كوزقاراستار مەن ۇستانىمداردىڭ كەڭ اۋقىمدى سپەكتورى شوعىرلانعان. ەكىنشىدەن - قوعامدىق ديالوگتى ينستيتۋتتاۋ. ءبىزدىڭ بىرلەسكەن جۇمىس ءۇشىن بارلىق جاعداي جاسالعان. ۇشىنشىدەن – ق ر تۇڭعىش پرەزيدەنتى - ەلباسى ن. نازاربايەۆ نەگىزىن قالاعان جاڭعىرۋ ۇدەرىسىن «ءبىر ەل، ءبىر حالىق» بولىپ جالعاستىرۋ ارقىلى»، - دەدى مەملەكەت باسشىسى.
ق. توقايەۆ بۇگىن ءدال وسىندا جاڭا فورماتتا ءوتىپ جاتقان كەزدەسۋدىڭ ءوزى وڭ وزگەرىستەرگە ءبارىنىڭ مۇددەلى ەكەندىگىن كورسەتەتىندىگىن باسا ايتتى.
«حالىق بىزدەن ناقتى ۇسىنىستار مەن ناتيجە كۇتىپ وتىر. ۇلتتىق قوعامدىق سەنىم كەڭەسى وسى مىندەتتى ويداعىداي جۇزەگە اسىراتىن بىرەگەي قۇرىلىمعا اينالادى دەپ سەنەمىن. ءبىز حالىق سەنىمىن اقتاۋىمىز كەرەك. ءاربىر ازاماتتىڭ مۇدەسى ءبىز ءۇشىن وتە ماڭىزدى»، - دەدى ق ر پرەزيدەنتى.
