«قازاق پەن قالا» بايقاۋىنا شىعارمالار قابىلداۋ جالعاسۋدا

قاتىسام دەۋشىلەر تومەندەگى شارتتارعا سايكەس كەلەتىن شىعارمالارىن جولداۋى ءتيىس. بايقاۋدىڭ شارتتارى:

- بايقاۋعا قاتىسۋشىلار ادەبيەت پەن مادەنيەتتىڭ ورتالىعى - الماتىنىڭ بۇگىنگى تىنىس- تىرشىلىگى مەن ونداعى تۇرعىنداردىڭ قيلى تاعدىرلارىن سۋرەتتەگەن پروزالىق شىعارمالارىن جولداي الادى؛

- بايقاۋ، جالپى، قالا پروزاسىنا ارنالعاندىقتان، قالا اتىنىڭ ناقتى اتالۋى شارت ەمەس؛

- پروزالىق شىعارمانىڭ كولەمىنە Times New Roman قارپى، 14 كەگل ولشەمى بويىنشا (1 جولارالىق ولشەم) 25 بەتتەن اسپاۋى كەرەك:

- بايقاۋعا لاقاپ اتپەن ۇسىنىلعان شىعارما قابىلداندايدى؛

- بايقاۋعا جولدانعان شىعارما اۆتورى سۋرەتى مەن قىسقاشا ءومىربايانىن تانىستىرىلىم ءۇشىن جازىپ جىبەرۋى شارت؛

- بايقاۋعا ۇسىنىلعان شىعارما بۇرىن ەشقايدا جاريالانباعان بولۋى ءتيىس؛

- بايقاۋعا قاتىسۋشىلاردىڭ جاسى 45 جاستان اسپاۋى كەرەك. شىعارمالاردى قابىلداۋ 1 -قازانعا دەيىن جالعاسادى. بايقاۋ جەڭىمپازدارىن ەلگە بەلگىلى ادەبيەتشىلەر مەن اقىن- جازۋشىلاردان قۇرىلعان قازىلار القاسى انىقتايدى. بايقاۋعا ۇسىنىلعان شىعارمالاردى باعالاۋ كەزىندە ولاردىڭ: كوركەمدىك دەڭگەيىنىڭ جوعارى بولۋى؛ قالا پروزاسى جانرىنا قويىلاتىن تالاپتارعا ساي بولۋى؛ قالا ادامىنىڭ پسيحولوگياسى مەن قالا كورىنىستەرىنىڭ سەنىمدى سۋرەتتەلۋى؛ ارىپتىك جانە ستيلدىك قاتەلىكتەردىڭ بولماۋى تالاپ ەتىلەدى. تالاپقا ساي ەمەس نەمەسە كوركەمدىك دەڭگەيى تومەن شىعارمالار ىرىكتەۋدەن وتپەيدى.

بايقاۋعا ۇسىنىلاتىن شىعارمالاردىڭ تاقىرىپتىق اۋقىمى: بايقاۋ قاتىسۋشىلارىنا تاقىرىپتىق شەكتەۋ قويىلمايدى؛ قالا، ۋربانيزاتسيا، ۋربانيستىك مادەنيەت تاقىرىبىنا ارنالعان كەز كەلگەن شىعارما قابىلدانادى.

سونىڭ ىشىندە: قازاق پەن قالا؛ تاريح تولقىنىنداعى قالا؛ بۇگىنگى قالا تىرشىلىگى؛ قالاداعى جاستار ءومىرى؛ قازاقتىڭ قالاعا بەيىمدەلۋى؛ ۋربانيزاتسيا؛ قالا مادەنيەتى؛

قازاق ۇعىمىنداعى قالا مەن شىنايى ومىردەگى قالا («قالا - قازاققا جاۋ»؛

«قالا - قازاققا جاناشىر» ت. ب.)؛ قالادا تۋىپ، قالادا وسكەن ادامداردىڭ بەينەسى؛

اۋىلدا تۋىپ، قالادا وسكەن ادامداردىڭ بەينەسى؛ قىلمىستى قالا (دەتەكتيۆ)، ت. ب.

بايقاۋعا قاتىسۋ ءۇشىن:

شىعارمالار كومپيۋتەردە تەرىلىپ، Times New Roman قارپى، 14 كەگل ولشەمى بويىنشا (1 جولارالىق ولشەم) جازىلىپ، ەلەكتروندى نۇسقادا ءتيىستى مەكەنجايعا جولدانادى؛ قاتىسۋشى اتى-ءجونى، تۇرعىلىقتى مەكەنجايى، تەلەفون ءنومىرى، ەلەكتروندى ادرەسى، ءومىربايانى مەن شىعارماشىلىعى تۋرالى قىسقاشا اقپاراتتى ەلەكتروندى نۇسقادا قوسا جولداۋى ءتيىس.

قوسىمشا اقپارات:

بايقاۋدى ءادىل تۇردە وتكىزۋ ماقساتىندا بارلىق تالاپتارعا ساي جازىلعان شىعارمالاردى وقىرماندار «جاس الاش» گازەتىنەن وقي الادى. جوعارىدا كورسەتىلگەن ولشەمگە سايكەس، التى بەتتەن اسپايتىن شىعارمالار گازەت بەتىنە، التى بەتتەن اساتىن شىعارمالار گازەت سايتىنا جاريالانىپ وتىرادى. بۇل ءوز كەزەگىندە قازىلار القاسىنىڭ ءادىل شەشىم شىعارۋىنا جانە بايقاۋدىڭ اشىق تۇردە وتكىزىلۋىنە ىقپال ەتەدى.

بايقاۋ جەڭىمپازدارى انىقتالعان سوڭ، بايقاۋعا قاتىستىرىلعان (گازەتتە جاريالانعان) بارلىق شىعارمالار جيناقتالىپ، پروزالىق جيناق شىعادى.

ۇمىتكەرلەر شىعارمالارىن «قازاق پەن قالا» بايقاۋىنا قاتىسۋ ءۇشىن!» دەگەن ەسكەرتپەمەن zhasalash2017@gmail.com ەلەكتروندى پوشتاسىنا جولدايدى. بايقاۋ قورىتىندىسى ماراپاتتاۋ راسىمىندە عانا جاريالانادى. ماراپاتتاۋ الماتى قالاسىندا وتەدى (وزگەرىستەر بولسا ارنايى حابارلانادى).

بايقاۋ جەڭىمپازدارى انىقتالعان سوڭ، اۆتورلار جەكە حابارلاندىرىلادى.

مەكەنجاي: 050044، الماتى قالاسى دوستىق داڭعىلى 97/ب ءۇي، 7/3 كەڭسە رەسپۋبليكالىق «جاس الاش» گازەتى تەلەفوندار:

قابىلداۋ ءبولىمى - 87273468954

ەلەكتروندى پوشتا: zhasalash2017@gmail.com

Massaget.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى