ديماشتىڭ نيۋ- يوركتەگى جەكە كونسەرتى قاشان وتەدى؟
ونەر جۇلدىزى كونتسەرت قايدا، قاشان وتەتىنى جايلى ناقتى اقپاراتتى instagram پاراقشاسىندا جاريالادى. كۇنى كەشە ءانشى ارنايى حابارلاما جازىپ، تاڭدا تاماشا جاڭالىق جاريالايتىنىن ايتقان ەدى. تىڭدارماندارى مەن جانكۇيەرلەرى بۇل جاڭالىقتى تاعاتسىزدانا كۇتكەن. بۇگىن تاڭدا كۇتتىرگەن جاڭالىق تا جاريالاندى. ديماش نيۋ- يوركتە وتەتىن كونسەرتىنىڭ جارقاعازىن الەۋمەتتىك جەلىسىنە جۇكتەدى.
- قۇرمەتتى تىڭدارماندارىم! 10 - جەلتوقسان كۇنى نيۋ- يوركتەگى Barclays Center ستاديونىندا جەكە كونسەرتىم وتەتىنىن زور قۋانىشپەن حابارلايمىن. بيلەتتەر ساتىلىمى جايىندا جاقىندا تاعى جازامىن، - دەپ جازدى ءانشى.
ديماشتىڭ ا ق ش جەرىندەگى جەكە كونسەرتىن مادەنيەت جانە سپورت مينيسترلىگى تىكەلەي قولداپ، ۇيىمداستىرۋدا. وسىعان دەيىن وتانداسىمىزدىڭ لوندون مەن ماسكەۋ قالالارىندا دا جەكە كونسەرتتەرى دۇركىرەپ وتكەن. Barclays Center - نيۋ- يوركتەگى برۋكلين اۋدانىندا ورنالاسقان سپورتتىق ارەنا. مۇندا «برۋكلين نەتس» باسكەتبول كلۋبى مەن «نيۋ- يورك ايلەندەرس» حوككەي كومانداسى ءوز الاڭىنداعى ويىندارىن وتكىزەدى. قالاداعى Madison Square Garden (بۇل سپورتتىق كەشەندە گەننادي گولوۆكين 6 - جەكپە- جەك وتكىزگەن) كەشەنىنە باستى باسەكەلەس ارەنالاردىڭ ءبىرى.
Massaget.kz
