اراب جازۋشىسى: ادەبيەت - دىننەن ازات، تولەرانتتى قۇندىلىق
Pushcart ادەبي سىيلىعىنىڭ لاۋرەاتى يۋسەف ءال- موحايميد «ادەبيەتتىڭ تەرروريزممەن كۇرەستەگى ءرولى» دەگەن تاقىرىپتا بايانداما جاسادى.
«ءدىن مەن ادەبيەتتى ءبىر- بىرىنە قارسى قويۋ - كونەدەن كەلە جاتقان قاسىرەت. وتكەن عاسىردا دا ادەبيەتتى تۇنشىقتىرۋعا تالپىنىستار كوپ بولدى. ءتىپتى تاريحتا نوبەل سىيلىعىنىڭ يەگەرىن ءولتىرۋ ارەكەتتەرى دە تىركەلگەن. اراب الەمىندە بولعان تەرروريستىك وقيعالار ادەبيەتتەن دە كورىنىس تاۋىپ جاتىر. ساۋديالىق اقىننىڭ جانكەشتىلىككە ارناپ جازعان رومانى ادەبيەتتىڭ تەرروريزمگە قارسى ەكەنىن كورسەتتى. «تۇنگى كۇتپەگەن وقيعا» سياقتى سۇبەلى تۋىندىلار دا وسى تەرروريزمگە قارسى جازىلدى. اۋعان جازۋشىسى حالەد حوسسەيني دە ادەبيەت الەمىنە وسى سارىنداس شىعارمالارىمەن تانىلدى. ادەبيەت - دىننەن ازات، تولەرانتتى قۇندىلىق» ، - دەگەن اراب ادەبيەتشىسى ساۋد ارابياسىندا ادەبيەتكە قالاي كوڭىل ءبولىنىپ جاتقانىن ايتتى.
«ساۋد ارابياسىندا جازۋشىلار ادەبيەت پەن جۋرناليستيكانىڭ دامۋىنا كوپ ۇلەس قوستى. بۇقارالىق اقپارات قۇرالدارى مەن جۋرناليستيكالىق بىرلەستىكتەردىڭ كوبى ادەبيەت وكىلدەرىنىڭ كۇش سالۋىمەن قالىپتاستى. بۇگىن اراب الەمىندە ادەبيەت تەرروريزمگە قارسى تۇرۋعا تىرىسىپ جاتىر. ونى وقۋ باعدارلاماسىنان ىسىرىپ، جىلدار بويى ادەبيەت پەن مۋزىكاعا مەكتەپتە تىيىم سالىندى. سونىڭ ءبارىن «يسلام ادەبيەتى» دەگەن شىمىلدىقپەن بۇرەكەمەلەدى. ءبىراق شىنايى ادەبيەت ءومىر ءسۇرىپ جاتتى. سوڭعى بەس جىلدا ءبىزدىڭ ادەبيەتتە ۇلكەن العا جىلجۋ بار. ءتىپتى 2030 -جىلعا ارنالعان ستراتەگيامىزدا ادەبيەت جەتەكشى ورىن الىپ تۇر. قازىر روماندار مەن پوۆەستەر ماڭىزدى ۇنگە اينالدى. وسىلايشا ادەبيەت نەگاتيۆتى، حايۋاندىق جۇيەگە ىمىراسىز كۇرەس جاريالاپ وتىر. دەسپوتيزم باسقاراتىن الەمدە ينتەرنەت پەن الەۋمەتتىك جەلى ارقىلى جازۋشىلاردىڭ ەكىنشى تىنىسى اشىلدى. بەيبىتشىلىكتىڭ جالعىز كىلتى ادەبيەتتە. ادەبيەت - تەرروريزممەن كۇرەس جولىنداعى ەڭ ءتيىمدى قۇرال ەكەنىن كورسەتىپ وتىر» ، - دەدى
ەسكە سالساق، ەلوردادا ازيا قالامگەرلەرىنىڭ I فورۋمى ءوتىپ جاتىر. وعان ادەبيەت بويىنشا نوبەل سىيلىعىنىڭ 3 نومينانتى قاتىسۋدا. فورۋم بارىسىندا ادەبيەت بويىنشا نوبەل سىيلىعىنىڭ قۇرلىقتىق بالاماسىن تاعايىنداۋ ۇسىنىلماق. فورۋمدا ءسوز العان ازەربايجان جازۋشىسى باۋىرلاس مەملەكەتتەرگە قورقىت تۋرالى تەلەحيكايا ءتۇسىرۋدى ۇسىندى.
