قازاقستاندا شيكىزاتتىق ەمەس ەكسپورتتى دامىتۋدىڭ جول كارتاسى بەكىتىلدى
جول كارتاسى شەگىندە ىشكى جانە سىرتقى كەدەرگىلەرگە ەرەكشە نازار اۋدارىلادى، ولاردى جويۋ وتاندىق ەسكپورتتاۋشىلاروتاندىق ءونىمدى سىرتقى نارىققا ىلگەرىلەتۋ كەزىندە كەزىگەتىن تەرىس فاكتورلار مەن سالداردى قىسقارتۋعا مۇمكىندىك بەرەدى.
جول كارتاسىنىڭ ءىس- شارالارى قولايلى باسەكەلەس نەگىزدەلگەن جاعدايلار جاساۋ جانە بەلسەندى ساۋدا ساياساتى ارقىلى ۇلتتىق ەكسپورتتى قولداۋ جولىمەن كىرىس سالاسىنداعى ساياسات پەن جاۋاپتى ەكونوميكالىق ساياسات جولىمەن ەكونوميكانىڭ ەكسپورتتىق اياسىن ودان ءارى دامىتۋعا باعىتتالعان.
جول كارتاسى شيكىزاتتىق ەمەس سەكتور مەن ۇلتتىق كاسىپكەرلەر پالاتاسىنىڭ ەكسپورتتاۋشىلارىنىڭ تۇجىرىمدامالىق- رەفورماتورلىق ۇسىنىستارىنىڭ نەگىزىندە ازىرلەنگەن، مەملەكەتتىك قولداۋ شارالارىن كورسەتۋدە جاڭا تاسىلدەردى قامتيدى.
جول كارتاسىندا 81 ءىس- شارا كوزدەلگەن، ونىڭ ىشىندە شيكىزاتتىق ەمەس تاۋارلاردىڭ ەكسپورتىن ىلگەرىلەتۋ جونىندە 52 ءىس- شارا جانە كورسەتىلەتىن قىزمەتتەردى دامىتۋ بويىنشا 29 ءىس- شارا قاراستىرىلعان.
جول كارتاسىنىڭ ماقساتتارىنا قول جەتكىزۋ مىناداي تۇجىرىمدامالىق باعىتتار ارقىلى جۇزەگە اسىرىلادى:
- جۇيەلى - مەملەكەتتىك قولداۋ شارالارىن جانە نىسانالى توپتى ايقىنداۋ ادىستەرىن قايت قۇرىلىمداۋعا باعىتتالعان شارالار؛
- قۇقىقتىق - نورماتيۆتىك قۇقىقتىق اكتىلەردى وزەكتەندىرۋ مەن جەتىلدىرۋدى تالاپ ەتەتىن شارالار؛
- ەكونوميكالىق - ءوندىرىستىڭ شىعىنىن تومەندەتۋگە باعىتتالعان شارالار ء(ونىمنىڭ وزىندىك قۇنىن تومەندەتۋ) ، ءونىمنىڭ باسەكەگە قابىلەتتىلىگىن ارتتىرۋ (ونىڭ ىشىندە قارجى جانە قارجى ەمەس قولداۋ شارالارى) ؛
- ينستيتۋتسيونالدىق - ەكسپورت سالاسىندا بارلىق ينستيتۋتتاردىڭ قىزمەتىن شوعىرلاندىراتىن وتاندىق ەكسپورتتى دامىتۋ ماسەلەلەرى جونىندە ءبىرىڭعاي ينستيتۋتتى قالىپتاستىرۋعا باعىتتالعان شارالار.
جول كارتاسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەت» اتتى ق ر پرەزيدەنتىنىڭ 2017 -جىلعى 30 -قاڭتارداعى جولداۋىندا بەرىلگەن تاپسىرمالاردى جانە ق ر ۇكىمەتىنىڭ 2017 -جىلعى 26 ماۋسىمداعى №511 قاۋلىسىمەن بەكىتىلگەن «ۇلتتىق ەكسپورتتىق ستراتەگيا» باعدارلاماسىن ورىنداۋ شەگىندە ازىرلەنگەن.
