مەملەكەت باسشىسى: ءۇش وبلىسقا گاز تارتىلادى
«ءتۇرلى وڭىرلەر تۇرعىندارىنىڭ تازا اۋىزسۋ مەن تابيعي گازعا، كولىك ينفراقۇرىلىمىنا ءتۇرلى دەڭگەيدە قولى جەتىپ وتىرعانى انىق. وسى تەڭسىزدىكتى رەتتەۋ بويىنشا جۇمىستى قارقىنداتۋ قاجەت. ەلباسىنىڭ تاپسىرماسى بويىنشا «سارىارقا» گاز قۇبىرى ماگيسترالىنىڭ ءبىرىنشى كەزەڭى اياقتالىپ كەلەدى. كەلەسى جىلدان باستاپ نۇر- سۇلتان قالاسى مەن قاراعاندى وبلىسىندا، ودان كەيىن اقمولا جانە سولتۇستىك قازاقستان وبلىستارىندا تاراتۋ جەلىلەرىنىڭ قۇرىلىسىن باستاۋ جوسپارلانعان. بۇل ماقساتقا مەملەكەت 56 ميلليارد تەڭگە بولەدى. ناتيجەسىندە 2 ميلليون 700 مىڭنان استام ادام تابيعي گازعا قول جەتكىزەدى» ، - دەدى قاسىم- جومارت توقايەۆ قازاقستان حالقىنا جولداۋىندا.
