قازاقستاننىڭ يادرولىق الەۋەتى فرانسيا، ۇلى بريتانيا جانە قىتايدىڭ جيىنتىق كۇشىنەن دە اسىپ تۇسەتىن - توقايەۆ
«قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ سەمەي يادرولىق سىناق پوليگونىن جابۋ تۋرالى جارلىعىنىڭ تاريحي ماڭىزى بار. پوليگون جۇمىسىنىڭ سالدارىنان مىڭداعان جەرگىلىكتى تۇرعىن مەن تابيعاتقا وراسان زور نۇقسان كەلدى. ءبىر تەرمويادرولىق بومبا جاپونياداعى حيروسيماعا تاستالعان بومبادان 26 ەسە كۇشتى بولعانىن تۇسىنگەن ماڭىزدى. راديواكتيۆتى قالدىقتار 100 مىڭداعان شارشى شاقىرىمعا تارالدى. ءالى كۇنگە دەيىن يادرولىق سىناقتاردىڭ سالدارىن سەزىنىپ كەلەمىز»، - دەدى ق ر پرەزيدەنتى.
مەملەكەت باسشىسى ك س ر و- نىڭ جەكەلەگەن اسكەري لاۋازىمدى تۇلعالارى مەن ساياسي ەليتالارىنىڭ قارسىلىعىنا قاراماستان ق ر تۇڭعىش پرەزيدەنتى نۇرسۇلتان نازاربايەۆتىڭ قازاق جەرىندەگى پوليگوندى جابۋىن ناعىز ەرلىك دەپ باعالايتىنىن جەتكىزدى.
«كەڭەس وداعى ىدىراعاننان كەيىن قازاقستان الەم بويىنشا زىمىراندىق- يادرولىق الەۋەتكە يە بولعانداردىڭ ءبىرىنىڭ مارتەبەسىن الدى. بىزدە 1400 يادرولىق وقتۇمسىعى بار 100-دەن استام قۇرلىق ارالىق بالليستيكالىق زىمىران ورنالاستى. جاپپاي قىرىپ- جويۋ قارۋىن ۇستاپ تۇرۋ ءۇشىن بارلىق الەۋەتىمىز دە بولعان ەدى. سول كەزدەگى قازاقستاننىڭ يادرولىق الەۋەتى فرانسيا، ۇلى بريتانيا جانە قىتايدىڭ جيىنتىق كۇشىنەن دە اسىپ تۇسەتىن. كەيبىر ەلدەردىڭ جاۋاپسىز مەملەكەت باسشىلارى ءبىزدىڭ تۇڭعىش پرەزيدەنتىمىزدى ونى ساقتاپ قالۋعا يلاندىرۋعا تىرىستى. دەگەنمەن، ەلباسى نۇرسۇلتان نازاربايەۆ مۇنداي قارۋعا يە بولۋ تۇبەگەيلى قاۋىپسىزدىكتىڭ كەپىلى بولمايتىندىعىن ايتقان ەدى»، - دەدى قاسىم- جومارت توقايەۆ.
اۆتور: مارلان جيەمباي
