مەن وتباسىما، بالالارىما، وزىمە از قاراجات جۇمسايمىن - گولوۆكين اشىق سۇحبات بەردى
- ءسىز بوكسپەن قاشاننان اينالىساسىز؟
- 8-9 جاسىمنان باستاپ. ءىنىم ەكەۋمىز بىرگە باردىق. ءبىز ەگىز بولعاندىقتان ۇنەمى بىرگە جۇرەتىن ەدىك.
- بوكسپەن اينالىسا باستاعان كەزدە اتا- اناڭىز نە ويلادى؟
- قۋانعان جوق. قازىر ولارعا نە ءۇشىن ۇناماعانىن ءتۇسىنىپ ءجۇرمىن، سەبەبى ولار مەنىڭ فۋتبولمەن نەمەسە تەننيسپەن شۇعىلدانعانىمدى قالادى. ول جاقتاعى ادامدار مۇلدەم باسقا.
- ءسىز قازاقستاندا نەشە جاسقا دەيىن تۇردىڭىز؟
- 22 جاسقا دەيىن
- ءسىز قازىر لوس- اندجەلەستە ءجۇرسىز. قانداي ايىرماشىلىق بار؟
- ايىرماشىلىق كوپ. ەكى جاقتى سالىستىرىپ، بىردەڭە جاقسى، بىردەڭە جامان دەگىم كەلمەيدى. ءارتۇرلى ورىندار، ءارتۇرلى ادامدار..
- ءسىز «كانەلو» الۆارەسپەن ەكى رەت ايقاستىڭىز، ەندى ءۇشىنشى جەكپە- جەكتى قالايسىز. ءبىراق، تريلوگيا كەيىنگە قالىپ جاتىر، سەبەبى ول ەشكىممەن ايقاسپاعان سوڭ تيتۋلىنان ايىرىلدى. ءسىز جەكپە- جەككە شىققىڭىز كەلەتىن ادام سول ما؟
- ءيا، ول مەن بوكستاسقىم كەلەتىن باستى قارسىلاسىم. ءبىز ونىمەن قىركۇيەكتە ايقاسقىمىز كەلدى. مەكسيكانىڭ تاۋەلسىزدىك كۇنى- 14 - قىركۇيەكتە. اقشا كوپ ءتۇسۋشى ەدى. بىلمەيمىن، ول نەگە ءتيىمسىز دەپ ويلاعانىن.
- مۇمكىن، قورقاتىن شىعار؟
- جوق، ول قورىقپايدى. ەشكىم دە قورىقپايدى. مۇمكىن، ول ۇزاعىراق چەمپيون بولىپ قالعىسى كەلەتىن شىعار، سىنعا تۇسكىسى كەلمەيتىن بولار.
- ءبىراق، ول باس تارتقاندىقتان ورتا سالماقتاعى IBF الەم چەمپيونى تيتۋلى بوس تۇر. ءسىز سول ءۇشىن دەريەۆيانچەنكومەن ايقاساسىز. سىزدەردىڭ جەكپە- جەكتەرىڭىز قاشان؟
- 5- قازان.
- ەكەۋىڭىزدىڭ بىرەۋىڭىز بوس تۇرعان الەم چەمپيونى تيتۋلىن يەمدەنەدى عوي؟
- ءيا.
- كەيىن «كانەلو» بەلبەۋدى وزىنە قايتارعىسى كەلسە ايقاس وتەدى مە؟
- مۇمكىن. ونى ايتۋ قيىن. بۇل بيزنەس. ءبىر كۇنى دايىنمىن دەپ ويلايسىڭ، كەلەسى كۇنى دايىن ەمەسپىن دەيسىڭ. بۇل ءومىر.
- ءسىز ونى نوكاۋتقا تۇسىرەسىز بە؟
- جوق، - بۇل قيىن ايقاس، جوعارى دەڭگەيدەگى جەكپە- جەك. «ءيا، ونى جەڭەمىن» دەپ ايتۋ وڭاي، ءبىراق مەن ءوزىمنىڭ، ول ءوزىنىڭ جاعدايىن جاقسى بىلەدى. ايقاس قيىن بولادى. بوكس - سپورتتىڭ قيىن ءتۇرى، ءبىر سوققى ءومىرىڭدى وزگەرتۋى مۇمكىن. تەك قانا ايقاستى ەمەس، سپورتشىنىڭ بۇكىل ءومىرىن وزگەرتۋى مۇمكىن.
- ءسىز وتە قاراپايىمسىز. كوپتەگەن بوكسشىلار، مۇحاممەد ءاليدىڭ ءوزى دە قارسىلاسى تۋرالى جامان سوزدەر ايتقاندى جاقسى كورەتىن. قارسىلاسىنىڭ ميىنا كىرىپ، ونىڭ تەپە- تەڭدىگىن بۇزۋدى قالايتىن. ءسىز ونداي ەمەسسىز.
- مەن ونداي ەمەسپىن. مەنىڭ بارىم وسى، بىرەۋ سياقتى بولعىم كەلمەيدى. ترەش- توكتى ۇناتپايمىن. مەن ءۇشىن بوكس - سپورت، مەن بوكستىڭ جانكۇيەرىمىن، مەن ناعىز چەمپيونداردى قۇرمەتتەيمىن.
- ءسىز DAZN- مەن كەلىسىم جاسادىڭىز. ولار سىزگە جاقسى اقشا تولەيدى. ءسىز اقشانى باسقارا الاسىز با؟ سپورتشىلاردىڭ ءوز اقشاسىن كولىكتەرگە، قىمبات بۇيىمدارعا، ساۋىق كەشتەرگە جۇمساعان وقيعالارى كوپ بولعان.
- مەنىڭ وتباسىما، بالالارىما، وزىمە از قاراجات جۇمسايمىن.
- دەمەك، ەشقانداي «روللس- رويس» كەرەك ەمەس پە؟
- مەندە «روللس- رويس» بولدى. بۇل قالجىڭ.
- ءسىز قازىر لوس- اندجەلەستە باسسەينى بار ءزاۋلىم ۇيدە تۇرىپ جاتسىز با؟
- جوق، ءبىراق مۇندا ءومىر ءسۇرۋ وتە قىمباتقا تۇسەدى.
- جۇبايىڭىز ءسىزدىڭ ايقاستارىڭىزعا بارادى ما؟
- جوق، ەشقاشان. بۇل ونىڭ ەمەس، مەنىڭ ءىسىم.
- ۇلىڭىزدىڭ بوكسقا بارعانىن قالايسىز با؟
- جوق. ول اقىلدى، ءتورت ءتىل بىلەدى - وسكەلەڭ ۇرپاق. مەن - «بۇرىنعى مەكتەپتىڭ» ادامىمىن، ءبىزدىڭ ءومىرىمىز ءارتۇرلى. ونىڭ جاعدايى باسقا.
- قاي جاسقا دەيىن بوكستاسپاقشىسىز؟
- بىلمەيمىن. قازىر 10 جىل بۇرىنعىداي كۇش- قۋاتىم دا، جىلدامدىعىم دا بار. وعان قوسا تاجىريبەم، تانىمالدىعىم، دەمەۋشىم، جاڭا يدەيام بار. ونىڭ قانداي يدەيا ەكەنىن ايتپايمىن - بۇل بوكس، قاۋىپتى سپورت، جاعداي كەز كەلگەن كەزدە وزگەرۋى مۇمكىن.
- ءسىز ەشقاشان نوكاۋتقا ءتۇسىپ كورمەدىڭىز. قالايشا؟
- گەنەتيكا، مەنى قولدايتىن اتا- انام، جانكۇيەرلەرىم. سالاۋاتتى ءومىر سالتى.
- ءسىز 37 جاسىڭىزدا ءوزىڭىزدىڭ فورماڭىزدى ساقتاپ قالعانسىز. ءجيى جاتتىعاسىز با؟
- كۇن سايىن ەكى رەت جاتتىعامىن. ءبىرىنشىسى - 3 ساعات، ەكىنشى رەت - 4. كۇنىنە 7 ساعات. ءتىپتى، تاۋلىگىنە 24 ساعات جاتتىعامىن، سەبەبى ۇيقىڭدى، ديەتاڭدى قاداعالاپ وتىرۋىڭ كەرەك. فوكۋستى جوعالتساڭ، ءبارى ءبىتتى.
- قازاقستانعا ءجيى باراسىز با؟ ول جاقتا ءومىر قالاي؟
- كەيدە بارىپ تۇرامىن، ول جاقتا دوستارىم بار. ماعان ساياحاتتاعان ۇنايدى. رەسەيدە - ماسكەۋ، سانكت- پەتەربۋرگ، مەن ءتىلدى بىلگەندىكتەن ماعان ول جاقتا جۇرگەن جەڭىل. اقىلدى ادامدارمەن كەزدەسكەندى ۇناتامىن. قىتاي، مالايزيا، جاپونيا - كەرەمەت ورىندار. ول باسقاشا الەم.
- سىزگە قاي جەردە ايقاسقان ۇنايدى؟
- «مەديسون سكۆەر گاردەندە». ول جەر بوكستىڭ مەككەسى. وندا ۇزدىك ايقاستار ءوتتى - ءالي، تايسون جۇدىرىقتاسقان. ونىڭ اتموسفەراسى باسقاشا، بارلىق كورەرمەندەر - بوكس ساراپشىلارى، ولار ءۇشىن ايقاسقان ۇنايدى.
