قازاقستاندا نورماشىعارماشىلىق پروتسەسكە «جاسىل» جانە «اق» كىتاپ ەنگىزىلەدى

 «كەز كەلگەن زاڭنىڭ نەگىزىندە يدەيا جاتادى. پروبلەمالار مەن ولاردى شەشۋ جولدارى قانشالىقتى دۇرىس انىقتالعاندىعى يدەيانىڭ دۇرىس تۇجىرىمدالۋىنا بايلانىستى. بۇل قازىرگى ۋاقىتتا جەتكىلىكسىز نازار اۋدارىلىپ وتىرعان ماڭىزدى كەزەڭ. وسىعان بايلانىستى  ۇلى بريتانيانىڭ تاجىريبەسى بويىنشا نورماشىعارماشىلىق پروتسەسكە «جاسىل» جانە «اق» كىتاپتىڭ جاڭا كەزەڭدەرىن ەنگىزۋ ۇسىنىلادى. «جاسىل» كىتاپ دەگەنىمىز ناقتى پروبلەمالار ەگجەي- تەگجەيلى قارالاتىن، سودان كەيىن ساياسات پەن زاڭناما تۇرعىسىنان ءىس- قيمىلداردىڭ ىقتيمال باعىتتارى كورسەتىلەتىن ۇكىمەتتىك جاريالانىپ، الدىن الا ەسەپ»، - دەدى مينيستر.

 ونىڭ اتاپ وتۋىنشە، «جاسىل» كىتاپ قوعاممەن، مۇددەلى نىسانالى توپتارمەن مۇقيات تالقىلانادى. كىتاپتىڭ تالقىلانۋ مەرزىمى بەلگىلەنبەيدى. وعان 1-2 اي، جارتى جىل نەمەسە ءبىر جىل ۋاقىت كەتۋى مۇمكىن. «جاسىل» كىتاپتى تالقىلاۋ بارىسىندا شەشىم رەفورمالالار قاجەتتىلىگى پايداسىنا شەشىلسە، وندا تالقىلاۋ جاڭا ساتىعا -  «اق» كىتاپ دايىنداۋعا وتەدى.

 «اق» كىتاپتى مەملەكەتتىك ورگاندار الداعى رەتتەۋ ساياساتىنىڭ رەسمي مالىمدەمەسى رەتىندە شىعارادى. وندا زاڭنامالىق وزگەرىستەر نەمەسە جاڭا زاڭداردى قابىلداۋ بويىنشا ناقتى ۇسىنىستار بەلگىلەنەدى. كىتاپ زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيانىڭ وتىرىسىندا تالقىلانادى. اتالعان كوميسسيا ماقۇلداعان «اق» كىتاپ زاڭ جوبالارىن ازىرلەۋگە نەگىز بولادى»، - دەدى مارات بەكەتايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى