بايتۇرسىن ۇلىنىڭ نۇسقاسىنداعى جاڭا الىپپە قاشان قولدانىسقا بەرىلەدى - مينيستر جاۋاپ بەردى
ۇكىمەت وتىرىسىنان كەيىنگى ب ا ق وكىلدەرىنىڭ سۇراقتارىنا جاۋاپ بەرۋ بارىسىندا ءبىلىم جانە عىلىم ءمينيسترى اسحات ايماعامبەتوۆ احمەت بايتۇرسىن ۇلىنىڭ نۇسقاسىنىڭ نەگىزىندەگى الىپپە قاشان قولدانىسقا بەرىلەتىنىن ايتىپ ءوتتى.
«ءبىزدىڭ ەڭ ءبىرىنشى ايتارىمىز، الىپپەدە ەشقانداي ەكسپەريمەنت بولماۋى كەرەك. ەكىنشىدەن، بىزدە بۇرىننان كەلە جاتقان وتە جاقسى ادىستەمە بار. ول احمەت بايتۇرسىن ۇلىنىڭ ادىستەمەسى نەگىزىندە قۇرىلعان. ەندى وسى ادىستەمەنىڭ نەگىزىندە جاڭا الىپپە دايىندايمىز. جوسپارىمىزعا سايكەس، جاڭا الىپپە 2021 -جىلى 1-سىنىپ وقۋشىلارىنا بەرىلەدى»، - دەدى اسحات ايماعامبەتوۆ.
وسىدان كەيىن ءبىلىم جانە عىلىم ءمينيسترى اعىلشىن تىلىندە 5-سىنىپتان باستاپ ساباق بەرۋ قاي وقۋ جىلىنان باستالاتىنىن ايتتى.
«مەملەكەت باسشىسى وسى باعىتتا ارنايى تاپسىرما بەردى. ول تاپسىرمادا وقۋشىلار اعىلشىن ءتىلىن 2-3-سىنىپتان نەمەسە اتا-انالاردىڭ قالاۋىمەن 5-سىنىپتان باستاپ ءپان رەتىندە وقۋ كەرەكتىگى كورسەتىلگەن. بۇل جەردە كوپ نارسە اتا-انالاردىڭ قالاۋىنا بايلانىستى. بيىلعا ونى ەنگىزۋ تىم كەش. كەلەسى اپتادا وقۋ جىلى باستالادى. سول سەبەپتى وقۋ باعدارلاماسى ازىرلەنىپ، كەمشىلىگى جويىلعان سوڭ كەلەر جىلى ەنگىزىلەدى»، - دەدى ءبىلىم جانە عىلىم ءمينيسترى.
elorda.info
