ەلوردادا تۋريزم قايتسە داميدى: كولگىنوۆ اكىمدىك كەڭەسىن وتكىزدى
ا. كولگىنوۆ وسى سالاداعى جۇمىستى جانداندىرۋ، ءىرى ءىس-شارالار مەن فەستيۆالدەر وتكىزۋدى جوسپارلاۋ قاجەتتىگىن اتاپ ءوتتى.
پرەزيدەنت « ۇلىتاۋ -2019» حالىقارالىق تۋريستىك فورۋمىندا ەلىمىزگە جىلىنا 9 ميلليون تۋريست كەلەتىن مەملەكەتتىك باعدارلامانى جۇزەگە اسىرۋدى تاپسىردى. قاسىم-جومارت كەمەل ۇلى توقايەۆ تۋريزم ۋنيۆەرسيتەتىندە بىلىكتى مامانداردى دايىنداۋ قاجەتتىگىن اتاپ ءوتتى. ءبىز قازىر تۋريزم ۋنيۆەرسيتەتىن اشۋ ماسەلەسىن قاراستىرۋدامىز. سوندا ءبىز ىشكى نارىقتى كاسىبي كادرلارمەن قامتاماسىز ەتە الامىز»، - دەدى ول.
قالا اكىمى نۇر-سۇلتان ەۋرازيانىڭ استاناسى رەتىندە ورنالاسۋى ءتيىس ەكەنىن ايتتى. بۇل رەتتە، تۋريستەر كوپ بولعان سايىن، ءىس-شارالار كوپ ءوتۋى ءتيىس. تۋريزم ماۋسىمدىق ەمەس، جىل بويعى بولۋى كەرەك.
جىل سايىن ەلورداعا 1 ميلليون 300 مىڭ ادام كەلەدى. نۇر-سۇلتان قالاسى - كونگرەستەر مەن كونفەرەنتسيالاردىڭ حالىقارالىق قاۋىمداستىعىنىڭ (ICCA) مۇشەسى. قاۋىمداستىق ونىڭ مۇشەلەرىنە اقپارات الماسۋعا مۇمكىندىك بەرەدى جانە ءىرى ءىس-شارالاردى وتكىزۋگە جاردەمدەسۋدى قامتاماسىز ەتەدى. سونداي-اق ەلوردا ىسكەرلىك (MICE) تۋريزمدى وتكىزۋ ءۇشىن تابىستى الاڭ دەپ تانىلدى.
كەڭەس بارىسىندا اتاپ وتىلگەندەي، ەلوردادا حالىقارالىق اۆيارەيستەردىڭ سانىن ارتتىرۋ، ءىرى حالىقارالىق فەستيۆالدەر مەن جارىستار وتكىزۋدى جوسپارلاۋ، قالانى تۋريستەر ءۇشىن تارتىمدى جانە جايلى ەتۋ قاجەت.
