التى الاش سايتى وقىرمانعا جول تارتتى
ۇلتتىق قۇندىلىقتاردى ۇلىقتاۋ، مايەكتى مادەنيەتىمىزدى دارىپتەۋ ماقساتىندا قۇرىلعان بۇل ينتەرنەت پورتالى تەك قازاقستانداعى عانا ەمەس، الەمنىڭ ءار ەلىندەگى قازاقتار اراسىندا ساقتالعان سالتىمىزدىڭ سارقىتىن وقىرمان نازارىنا ۇسىنۋعا، بولاشاق ۇرپاق ساناسىندا قايتا جاڭعىرتۋعا تىرىسادى. جوبانى قۋانىش ءىلياس ۇلى، ىقىلاس ورازباي ۇلى، قالياكبار ۇسەمحان ۇلى باستاعان جۋرناليست ازاماتتارقولعا الىپتى.
«ەلباسى نۇرسۇلتان نازاربايەۆتىڭ «ۇلى دالانىڭ جەتى قىرى» ماقالاسى ءوزىن قازاقتاي دەگدار ۇلتتىڭ ۇرپاعى بولعانىن ماقتانىش سەزىنەتىن ءار قازاققا زور شابىت سىيلادى. ونىڭ ۇستىنە، «ۇلى دالانىڭ جەتى قىرىن» جالپاق جۇرتقا جارقىراتىپ كورسەتۋگە «ساۋساق بىرىكپەي، ينە ىلىكپەيدى» دەگەندەي، بارلىعىمىز اتسالىسۋىمىز كەرەك. ءبىز وسى ماقساتتا 6alash-تى اشتىق. سايتىمىز، مادەني، رۋحاني، تاريحي دۇنيەلەردى ناسيحاتتاۋدى كوزدەپ وتىر. اسىرەسە شەتتەگى قازاقتاردا ساقتالعان قۇندى مۇرالاردى، تاماشا سالت- داستۇرلەرىمىزدى اتاجۇرتقا جەتكىزۋ ءبىزدىڭ نەگىزگى نىسانامىزدىڭ ءبىرى» - ، دەيدى 6alash سايتىن قۇرۋشىلاردىڭ ءبىرى قالياكبار ۇسەمحان ۇلى.
اۆتور: ريزابەك نۇسىپبەك ۇلى
