حالىقارالىق ارميا ويىندارى قالاي وتۋدە؟
ويىننىڭ باعدارلاماسىنا 32 سايىس ەنگىزىلگەن. ونىڭ 16 سىنا قازاقستاندىق اسكەري قىزمەتشىلەر قاتىسۋدا.
قازاقستان اۋماعىندا مينواتقىش ەسەپتوپتارىنىڭ - «ارتيللەريالىق وق اتۋ شەبەرلەرى»، ۇشقىشسىز ۇشۋ قۇرىلعىلارىنىڭ - «سۇڭقار اڭشىلىعى» جانە بايلانىسشىلار اراسىنداعى - «سەنىمدى قابىلداۋ» سايىستارى وتەدى.
جامبىل وبلىسىنداعى «وتار» 40-اسكەري بازاسىنداعى سايىستارعا 13 ەلدىڭ اسكەري قىزمەتشىلەرى قاتىسىپ جاتىر. ونىڭ ىشىندە قازاقستان رەسپۋبليكاسىنىڭ قارۋلى كۇشتەرىنىڭ كومانداسى دا بار. ويىنداردىڭ باستالۋى تىكەلەي ەفيردەن كورسەتىلدى.
قازاقستان قۇراماسى حالىقارالىق ارميا ويىندارىنىڭ وكىلدىك توپتارىنىڭ ءبىرى بولىپ تانىلدى. سالىستىرۋ ءۇشىن بەلارۋس - 18 سايىسقا، قىتاي – 15، يران مەن وزبەكستان - 14 سايىسقا قاتىساتىن بولادى. مۇنداي كەڭ كولەمدى وكىلدىك كوماندالىق ەسەپتە جەڭىمپازدى انىقتاۋدا شەشۋشى ءرول وينايدى.
