ءۇش مىڭعا جۋىق ءتىل جويىلۋ الدىندا تۇر – ب ۇ ۇ
ب ۇ ۇ سايتىندا حابارلانعانداي، ساراپشىلار تىلدەردىڭ 40 پايىزى جويىلۋ الدىندا تۇر، ياعني - 2 800 ءتىل.
الەمنىڭ بايىرعى تۇرعىندارىنىڭ 7 مىڭ ءتىلى بار. ولاردىڭ كەيبىرىندە تەك بىرنەشە ادام عانا سويلەيدى، ءبىراق ب ۇ ۇ ءاربىر ءتىل ءداستۇر مەن مادەنيەتتى ساقتاپ وتىرعانىن اتاپ ءوتتى. الەمنىڭ بايىرعى تۇرعىندارىنىڭ تىلدەرى مادەنيەت پەن ساياسي ءوزىن-ءوزى انىقتاۋدا ماڭىزدى ءرول وينايدى.
«ءتىل - ارتىقشىلىق ەمەس، قۇقىق»، - دەيدى ب ۇ ۇ ادام قۇقىقتارىنىڭ ءتۇرلى اسپەكتىلەرى جونىندەگى ساراپشىلار.
ولار وسى ونجىلدىقتىڭ الەمنىڭ بايىرعى تۇرعىندارى تىلدەرىنىڭ ونجىلدىعى دەپ جاريالانعانىن ەسكە سالىپ، «10 جىلدىڭ ىشىندە وسى تىلدەرگە كەلتىرىلگەن تاريحي زالالداردىڭ سالدارىن جويىپ، ولاردى بولاشاق ۇرپاق ءۇشىن ساقتاۋعا بولادى» دەپ ەسەپتەيدى.
