قۇرامىنان وسىمدىك مايى تابىلعان ءسۇت ونىمدەرى ساۋدا اينالىمىنان الىنىپ تاستالدى
ن
«ءسۇت ونىمدەرىن تەكسەرۋ جۇمىسى ۇدايى جۇرگىزىلەدى. بۇل رەتتە ەل اۋماعىندا تەكسەرىلگەن 106 ءسۇت ءونىمىنىڭ قۇرامىنان كورسەتىلمەگەن وسىمدىك مايى تابىلدى. بۇل ونىمدەر جالعان ونىمدەر قاتارىنا جاتقىزىلدى. سەبەبى، كەدەن وداعىنىڭ تەحنيكالىق رەگلامەنتىنە سايكەس، ءسۇت ونىمدەرىنىڭ قۇرامىندا بوگدە قوسپالار بولماۋى كەرەك. ەگەر ءوندىرۋشى ءسۇت ونىمدەرىنىڭ ورنىنا الماستىرعىش وسىمدىك مايلارىن قوسسا، ول ونىمدەر - ءسۇت ءتارىزدى ونىمدەر دەپ اتالۋى ءتيىس»، - دەدى كوميتەت وكىلى دانا قاسقاتايەۆا و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا، ءسۇت جانە ءسۇت ونىمدەرىنىڭ قاۋىپسىزدىگى تەحنيكالىق رەگلامەنتتەرىنىڭ تالاپتارىنا ەاەو كوميسسيا كەڭەسىنىڭ شەشىمىمەن وتكەن جىلى قاتاڭ وزگەرتۋلەر ەنگىزىلگەن. بۇل وزگەرىستەردى ەسكەرە وتىرىپ، وندىرۋشىلەر وسىمدىك مايى بار دەگەن تاڭبانى ءونىمنىڭ بەتكى جاعىندا، ۇلكەن شريفتپەن ورنالاستىرۋى كەرەك.
«جالعان ونىمدەردىڭ - شەتەلدەن كەلگەنى انىقتالدى. تەحرەگلامەنتكە ساي كەلمەيتىن جانە قاۋىپتى ونىمدەر اينالىمنان الىنىپ تاستالدى. وكىنىشكە قاراي، جالعان ءسۇت ونىمدەرىنىڭ تابىلۋى جىلدان جىلعا جالعاسىپ كەلەدى. ىشكى نارىقتا جالعان ونىمدەرگە جول بەرمەۋ ءۇشىن كۇشەيتىلگەن زەرتحانالىق جۇمىستار جۇرگىزىلۋدە»، - دەدى ول.
اۆتور: ايان بەكەن ۇلى
