پاكىستان ۇندىستانمەن تەمىرجول قاتىناسىن ءۇزدى
سەبەبى ءۇندىستان دجاممۋ مەن كاشمير شتاتتارىن مارتەبەسىنەن ايىرعان سوڭ تاراپتار اراسىنداعى جاعداي ۋشىعا تۇسكەن ەدى.
جۇمىسىن توقتاتقان «دوستىق ەكسپرەسسى» لاحوردان اتتاري ارقىلى نيۋ- دەليگە اپتاسىنا ەكى مارتە جۇرەتىن جالعىز پويىز. ول العاش رەت 1976 -جىلى 22 - شىلدەدە جولعا شىققان. ءۇندىستان پارلامەنتى دجاممۋ مەن كاشمير شتاتىنىڭ ارنايى مارتەبەسىن الىپ تاستاۋ تۋرالى زاڭ جوباسىن ماقۇلداعان بولاتىن. قۇجاتتى 366 دەپۋتات قولداپ، 66 شەنەۋنىك قارسى داۋىس بەرگەن. ەندى شەكاراداعى داۋلى جەر وداقتىق ايماققا اينالدى.
ءۇندى تاراپى بۇل قادامىن تەرروريزممەن كۇرەسۋ ءۇشىن جانە ءوڭىردىڭ ەكونوميكالىق احۋالىن نىعايتۋ ءۇشىن جاساعانىن العا تارتادى. ال پاكىستان بيلىگى بولسا، ءوز نارازىلىعىن بىلدىرۋدە.
www.24.kz
