دوللاردىڭ قىمباتتاۋى ۇرەيلەنۋگە نەگىز ەمەس - ەكونوميست

ەكونوميست ارمان بايعانوۆ تەڭگەنىڭ السىرەۋىنە بىرنەشە جاعداي اسەر ەتتى دەيدى. بۇل اۋەلى قىتاي مەن ا ق ش اراسىنداعى ساۋدا سوعىسى.

ەسكە سالايىق، ا ق ش پرەزيدەنتى دونالد ترامپ قىتايدىڭ جالپى قۇنى 300 ميلليارد دوللار بولاتىن تاۋارىنا 10 پروتسەنت كولەمىندە كەدەندىك باج سالىعىن ەنگىزەم دەپ مالىمدەمە جاساعان ەدى. ايتا كەتەيىك، تەڭگەمەن قاتار رۋبل دە ارزاندادى. ال رەسەي قازاقستاننىڭ ءىرى ساۋدا سەرىكتەسى ەكەنى بەلگىلى. سوعان قاراماستان، ەلىمىزدىڭ قارجى نارىعى تۇراقتى، الاڭداۋعا ەش نەگىز جوق، دەيدى وتاندىق ەكونوميستەر.

ارمان بايعانوۆ، ەكونوميست:

- تەڭگەنىڭ السىرەۋى سىرتقى جاعىمسىز ماكروەكونوميكالىق فاكتورلارعا بايلانىستى. ەگەر الەمدىك ەكونوميكادا پروبلەمالار پايدا بولسا، شيكىزات تاۋارلارىنا سۇرانىستىڭ تومەندەيتىنىن ءتۇسىنۋ كەرەك. ياعني مۇناي باعاسى دا كۇرت ءتۇسىپ كەتتى. از ۋاقىتتىڭ ىشىندە 7-8 پروتسەنتكە ارزاندادى. سىرتقى جاعىمسىز فاكتورلار، مۇناي باعاسىنىڭ تومەندەۋى، رەسەي رۋبلىنىڭ السىرەۋى تۇرعىنداردىڭ الاڭداۋىنا سەبەپ بولدى. كەيدە وسى شەكتەن تىس الاڭداۋشىلىق ماسەلەنىڭ نەگىزگى سەبەبىنە قاراعاندا جاعدايعا كوبىرەك ىقپال ەتىپ جاتادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى