باقسىلار ورمان ورتىنە جاڭبىر شاقىرۋ ءۇشىن بايقالدا باس قوسپاق

بۇل جونىندە سارسەنبى كۇنى ت ا س س اگەنتتىگىنە «تەنگەري» باقسىلاردىڭ ايماقارالىق ۇيىمىنىڭ باسقارما ءتوراعاسى باير سىرەندورجيەۆ ءمالىم ەتتى، دەپ حابارلايدى قازاقپارات.

«اۆيالەسووحرانا» فەدەرالدىق مەملەكەتتىك مەكەمەسىنىڭ مالىمەتىنشە، رەسەيدە جالپى اۋماعى 100 مىڭ گ ا جەردە 147 ورمان ءورتى ءسوندىرىلىپ جاتىر. ورتەنگەن ورماننىڭ باسىم بولىگى شالعاي مەكەندەردە ورنالاسقان. ولاردى سوندىرۋمەن ەشكىم اينالىسىپ جاتقان جوق. ورتكە ورانعان ورمانداردىڭ باسىم كوپشىلىگى سىبىردە - يركۋتسك وبلىسى مەن كراسنويارسك ولكەسىندە تىركەلگەن.

«4 - تامىز كۇنى ولحوندا بۋرياتيادان، زابايكالە مەن يركۋتسك وبلىسىنان 40-قا جۋىق باقسى جينالادى. ولار ورمان ورتتەرىنە جاڭبىر شاقىرۋ ءۇشىن ارنايى ءراسىم وتكىزەدى. قازىرگى تاڭدا ءبىز ورمان ورتەنىپ جاتقان اۋماقتاردى انىقتاۋدامىز»، - دەدى باير سىرەندورجيەۆ.

سەيسەنبى كۇنى بۋددا ءدىن قىزمەتكەرلەرى- لامالار ءدال سولاي ورتەنىپ جاتقان تايگاعا جاۋىن شاقىرۋ ءۇشىن ءراسىم جاساۋعا دايىن ەكەنىن ءمالىم ەتتى، الايدا ولار «ورتەنگەن ورمانداردىڭ ناقتى ورنالاسقان اۋماعى» قاجەت ەكەنىن اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى