باقىتجان ساعىنتايەۆ الماتىنىڭ تۇيتكىلى كوپ اۋداندارىن ارالادى
اتاپ ايتقاندا، ناۋرىزباي اۋدانىنداعى اقجار شاعىن اۋدانىن ارالادى.
«مولداعۇلوۆا (ماقانشى- جاباي)، جاۋقازىن كوشەلەرى. ءومىر ساپاسىنا قاتىستى ماسەلەلەردى كوتەرگەن ءجون. سۋ، جارىق، جولدار، جۇيەلى اۆتوبۋس قوزعالىسى كەرەك. ماسەلەلەر ءبىر-بىرىمەن ءوزارا بايلانىستى. ولاردى كەزەڭ-كەزەڭىمەن شەشۋ كەرەك. ەڭ ءبىرىنشى سۋ توعانى ماسەلەسىنىڭ شەشىمىن تابۋ قاجەت. ورتالىقتاندىرىلعان سۋ جۇيەسىن جۇرگىزۋ كەرەك. ەكىنشى - كوشەلەردى جارىقتاندىرۋ. ءۇشىنشى - ينفراقۇرىلىم جۇرگىزۋ بويىنشا جەر جانە مونتاجداۋ-قۇرىلىس جۇمىستارىن اياقتاعان سوڭ جولداردى جوندەۋ كەرەك. كەزەڭ-كەزەڭىمەن شەشەمىز. نەگىزگىسى - سۋ»، - دەپ جازدى Instagram جەلىسىندە قالا باسشىسى.
