وكىلدەر پالاتاسى ا ق ش- تاعى ەڭ تومەنگى ايلىق مولشەرىن ەكى ەسە وسىرمەك
بەيسەنبى، 18- شىلدەدەگى وتىرىسىندا قارالعان بۇل قۇجاتتا ەلدەگى ءبىر ساعاتتىق مينيمالدى اقى 15 دوللار بولسىن دەپ كورسەتىلگەن.
زاڭ جوباسىندا ەڭبەكاقىنىڭ كوبەيۋى بىرتە-بىرتە 2025-جىلعا دەيىن جۇزەگە اسىرىلاتىنى جازىلعان. قازىرگى كۇنى فەدەرالدى دەڭگەيدە جۇمىسشىلار ءبىر ساعاتىنا 7 دوللار 25 تسەنت الادى. كەي شتاتتار وزدەرىنىڭ مينيمۋم مولشەرىن ەنگىزگەن، ولاردا ءبىر ساعاتىنا ءسال كوپ اقشا تولەيدى.
ال كاليفورنيا مەن نيۋ-يورك كىرەتىن سەگىز شتاتتا ءبىر ساعاتتىق ەڭبەكاقى 15 دوللار ەكەنى كورسەتىلگەن زاڭ قابىلدانىپ تا قويىلعان.
ا ق ش- تا 1938-جىلى فەدەرالدى دەڭگەيدەگى ەڭ تومەنگى ەڭبەكاقى 25 تسەنت بولىپ بەكىتىلگەن. ينفلياتسيانى ەسكەرگەندە بۇل مولشەر قازىرگى 4 دوللار 45 تسەنتكە تەڭ. كەيىن ەڭبەكاقى بىرتىندەپ كوتەرىلە باستادى. ستاتيستيكاعا سايكەس، ەڭبەك اقىسىن ساعاتپەن سانالاتىن امەريكالىقتاردىڭ ءۇش پايىزدان ازى مينيمالدى مولشەرمەن ايلىق الادى.
