ەرلان تۇرعىمبايەۆ: اشىلعان قىلمىس سانى - پوليتسيا قىزمەتىنىڭ كورسەتكىشى ەمەس
«بۇگىندە ءبىز ناتيجەنى اشىلعان قىلمىستار سانىمەن باعالاۋدان الشاقتاپ كەلەمىز. ياعني، بيىل مۇنشا قۇقىقبۇزۋشىلىق بولدى، كەلەسى جىلى تاعى %2-3 كوبىرەك بولسىن دەگەن تۇسىنىكتەن ارىلۋ كەرەك. ناعىز كورسەتكىش - قىلمىستىڭ ازايۋى مەن حالىقتىڭ جوعارى باعاسى بولۋى كەرەك. ءبىز جۇرگىزگەن ساۋالناماعا 200 مىڭنان استام حالىق قاتىستى. ولاردىڭ باسىم كوپشىلىگى ۋچاسكەلىك ينسپەكتورىنىڭ اتى-ءجونىن بىلەدى جانە ولارعا جوعارى باعا بەرىپ، سىياقى بەرۋدى، جالاقىسىن كوتەرۋدى جانە باسپانا بەرۋدى سۇرادى. بۇل - ۋچاسكەلىك ينسپەكتوردىڭ بەدەلىن كورسەتەدى. سوندىقتان، قۇر سانايعاقتان ارىلىپ، حالىقتىڭ قۇرمەتىنە ۇمتىلۋ كەرەك»، - دەدى مينيستر قازاقستاننىڭ ۋچاسكەلىك پوليتسيا ينسپەكتورلارىنىڭ سلەتىندە.
مينيستر قالالىق جەردە تۇيتكىلدى ماسەلەلەردىڭ كوپ ەكەنىن اتاپ ءوتتى.
«جىل باسىندا دەپارتامەنت باسشىلارىنا پاتەر يەلەرى كووپەراتيۆتەرىمەن بىرلەسكەن جينالىس وتكىزۋدى تاپسىردىم. سەبەبى، پ ي ك- تە بارلىق ماسەلەنى انىقتاۋعا بولادى. شاعىن اۋدانداردا كوپتەگەن پاتەرلەر جالعا بەرىلەدى. تىنىشتىقتى بۇزۋ سىندى اكىمشىلىك قۇقىقبۇزۋشىلىقتان باستاپ، اۋىر قىلمىستار سوندا جاسالادى. كوپ جاعدايدا ءبىزدىڭ ۋچاسكەلىك ينسپەكتورلار قۇلىقسىزدىق تانىتىپ وتىر. سوندىقتان، ولاردى پ ي ك توراعالارىمەن بايلانىستىردىق»، - دەدى ە. تۇرعىمبايەۆ.
ايتا كەتەيىك، ق ر ىشكى ىستەر مينيسترلىگى 2020-جىلدى ۋچاسكەلىك پوليتسيا ينسپەكتورلارىنىڭ جىلى دەپ اتادى. 2019-جىلدىڭ 1- شىلدەسىنەن باستاپ، ءبىرقاتار ىشكى ىستەر ورگاندارى قىزمەتكەرلەرىنىڭ جالاقىسى كوتەرىلدى جانە باسپانا بويىنشا وتەماقى تولەنە باستادى.
