اسقار مامين رەسمي ساپارمەن تاجىكستان مەن قىرعىزستانعا بارادى
دۋشانبەدە قازاقستان پرەمەر- ءمينيسترى اسقار ءماميننىڭ جانە تاجىكستان پرەمەر- ءمينيسترى كوحير راسۋلزودانىڭ باسشىلىعىمەن شاعىن جانە كەڭەيتىلگەن قۇرامدارداعى ۇكىمەتتىك كەلىسسوزدەر وتەدى. تاراپتار ساۋدا- ەكونوميكالىق جانە ترانزيتتىك- كولىك ىنتىماقتاستىعىن ودان ءارى دامىتۋ، ونەركاسىپتىك كووپەراتسياداعى ءوزارا ءىس- قيمىل، مادەني- گۋمانيتارلىق بايلانىستاردى نىعايتۋ ماسەلەلەرىن تالقىلايدى. بىشكەكتە قازاقستان- قىرعىز ۇكىماتارالىق كەڭەسىنىڭ VIII وتىرىسى وتەدى. كۇن تارتىبىندە ساۋدا، ينۆەستيتسيالار، ونەركاسىپ، كولىك، مۇنايگاز سالاسى، قورشاعان ورتانى قورعاۋ، مادەنيەت، تۋريزم، ءبىلىم بەرۋ، دەنساۋلىق ساقتاۋ، سۋ- ەنەرگەتيكا سالاسى، كەدەندىك جانە شەكارالىق ءوزارا ارەكەتتەستىك سالالارىنداعى اعىمداعى جانە پەرسپەكتيۆالى ىنتىماقتاستىقتىڭ 18 ماسەلەسى قارالادى. رەسمي ساپارلار اياسىندا ءبىرقاتار قۇجاتتارعا قول قويۋ كوزدەلگەن.
