ەلورداداعى ماسانى ۋلاۋعا قانشا قاراجات ءبولىندى

«ءساۋىر ايىندا باستالعان ماسانى كەزەڭ- كەزەڭىمەن ۋلاۋ جۇمىستارى 6 تۋرعا بولىنگەن. قازىرگى ۋاقىتتا ءۇشىنشى تۋرى ءوتىپ جاتىر جانە ەندى 20 كۇننەن كەيىن اشىق ستانسالارى مەن شاعىن سۋ قويمالارىنداعى ماسالاردى ۋلاۋعا باعىتتالعان ءتورتىنشى تۋرى باستالادى. بەيسەنبى، جۇماعا قاراي ماسا ازايادى. قولدانىلاتىن ءدارى- دارمەكتەردىڭ بارلىعى مەملەكەتتىك ساراپتامادان، سىنامادان وتكەن» ، - دەدى نۇر- سۇلتان قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ديرەكتورى ءسادۋاقاس بايعابىلوۆ.

ونىڭ ايتۋىنشا، ەلورداعا جاۋعان مول جاۋىن- شاشىننان كەيىن كۇن كۇرت جىلىنىپ، سونىڭ سالدارىنان دەرناسىلدىڭ ماساعا اينالۋ پروتسەسى 7 كۇننەن 2 كۇنگە دەيىن قىسقارعان.

«بيىل ءساۋىر مەن قىركۇيەك ايلارىنىڭ ارالىعىندا ماسانى ۋلاۋ ءۇشىن جەرگىلىكتى بيۋدجەتتە 170 ميلليون تەڭگە قاراستىرىلعان. قازىرگى ۋاقىتتا ونىڭ 70 پايىزى جۇمسالدى. قاجەتتىلىك بولعان جاعدايدا قوسىمشا بيۋدجەت قاراجاتى دا كوزدەلگەن. قازىرگى ۋاقىتتا قويمادا ساقتالىپ تۇرعان ماساعا قارسى ءدارى وسى جىلعا جانە كەلەسى جىلعا جەتكىلىكتى. قويمادا 8-9 توننا ءدارى بار» ، - دەدى دەپارتامەنت باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى