سەنىڭ وتانىڭدا جۇدىرىقتاسامىز: سوندەرس گولوۆكيندى جەكپە-جەككە شاقىردى
بيللي دجو سوندەرس كەشە «بارىس- ارەنادا» وتكەن بوكس كەشىنە ارنايى كەلگەن بولاتىن. كەش بارىسىندا ول رينگكە شىعىپ، سۇحبات بەردى جانە قوناقجايلىعى ءۇشىن قازاقستاندىقتارعا العىس ايتتى. سول جەردە ول گولوۆكينگە قازاقستاندا كەزدەسۋ وتكىزۋ جونىندە ۇسىنىس جاسادى.
«قوناقجايلىعى ءۇشىن قازاقستانعا كوپ راحمەت. مۇنداعى جانكۇيەرلەر كەرەمەت. مەن وسى «بارىس- ارەنادا» گەننادي گولوۆكينمەن جۇدىرىقتاسۋعا قارسى بولماس ەدىم. ول - ۇلى چەمپيون. مەنىڭ ونىمەن وسى قازاقستاندا كەزدەسۋگە مۇمكىندىگىم بولعان ەدى»، - دەدى ول.
سوندەرستىڭ ايتۋىنشا، ونىڭ كەلەسى قارسىلاسى كىم بولاتىنى بەلگىسىز. MTK Global مەن بوكسشىنىڭ پروموۋتەرى فرەنك ۋوررەن الداعى جەكپە- جەككە ءالى ەشكىمدى ۇسىنباعان.
«ءبىراق مەن وسى «بارىس- ارەنادا» ايقاس وتكىزۋگە دايىنمىن. مەن ءوزىم سونى قالايمىن. ءدال وسى جەردە گولوۆكينمەن جۇدىرىقتاسقىم كەلەدى. ول - تاماشا بوكسشى، ۇلى چەمپيون، ءبىراق ماعان وسىنداي مۇمكىندىكتى بەرسە دەيمىن. گولوۆكين، مەن سەنىڭ وتانىڭدا تۇرىپ، سەنى ايقاسقا شاقىرامىن»، - دەدى سوندەرس.
