مەرەكە كۇنى دۇنيەگە كەلگەن سابيلەرگە ق ح ا دومبىرا تارتۋ ەتتى
قازاقستان حالقى اسسامبلەياسى ەلىمىزدە ەكىنشى رەت اتالىپ وتكەن ۇلتتىق دومبىرا كۇنىنە وراي «ۇلتتىڭ ساز بايراعى - دومبىرا» اكسياسىن وتكىزدى.
7 -شىلدەدە نۇر-سۇلتان قالاسىنداعى №2 كوپروفيلدى قالالىق اۋرۋحانانىڭ پەريناتالدى بولىمشەسىندە جانە «انا مەن بالا» ۇلتتىق عىلىمي ورتالىعىندا قازاقستان حالقى اسسامبلەياسىنىڭ وكىلدەرى ءدال وسى ايتۋلى كۇنى دۇنيەگە كەلگەن نارەستەلەرگە ق ح ا لوگوتيپى بەينەلەنگەن قاسيەتتى دومبىرانى تارتۋ ەتتى.
«بۇل اكسيا قازاقستاننىڭ جاڭا تۋعان ازاماتتارى مەن ولاردىڭ اتا-انالارىنا بالالارىن رۋحاني قالىپتاستىرۋ جولىنداعى ماڭىزدى باعدار بولماق. ق ر پرەزيدەنتى جانىنداعى «قوعامدىق كەلىسىم» رمم ديرەكتورى س. ف. ماجيتوۆ سابيلەرىن قۇشاقتارىنا جاڭا العان انالار مەن بىلىكتى دارىگەرلەرگە قۇتتىقتاۋ تىلەگىن بىلدىرە وتىرىپ، ق ح ا-نىڭ سابيلەرگە جولداعان ارنايى حاتىن تاپسىردى» دەلىنگەن حابارلامادا.
ءوز كەزەگىندە جاس بوسانعان انالار تاربيەلىك ءمانى زور وسىنداي ءىس-شارانى ۇيىمداستىرۋشىلارعا العىس ايتىپ، جىلى لەبىزدەرىن جەتكىزدى.
