اتاقتى قوجا احمەت ياساۋي كەسەنەسىنىڭ اينالاسى كوركەيتىلەدى
ءازىربايجان استاناسى باكۋ قالاسىندا قازاقستان مەن ءازىربايجان اراسىنداعى حالىقارالىق مادەني بايلانىستاردى ساقتاۋ جانە دامىتۋ باعىتىندا ەكى ماڭىزدى مادەني وقيعا ءوتتى.
«بۇل ءىس-شارالار ارقىلى تۇركىستان وبلىسىنىڭ الەمدىك دەڭگەيدە مادەني دامۋىن، حالىقارالىق ءتۋريزمدى دامىتۋ مەن ساقتاۋ جانە ۇلى جىبەك جولىنىڭ ءداستۇرلى قولونەرىن جانداندىرۋ كوزدەلگەن. ءىس- شارا ارقىلى «ءبىر بەلدەۋ - ءبىر جول» حالىقارالىق جوباسىن ءىس جۇزىندە جۇزەگە اسىرۋ جوسپارلانعان. قازاقستان دەلەگاتسياسىن ەلىمىزدىڭ پرەمەر-ءمينيسترىنىڭ ورىنباسارى گۇلشارا ءابدىقالىقوۆا جانە تۇركىستان وبلىسى اكىمىنىڭ ورىنباسارى مەيىرجان مىرزاليەۆ باستاپ باردى. دۇنيەجۇزىلىك مۇرا ماسەلەلەرى جونىندەگى يۋنەسكو وتىرىسىندا ق. ا. ياساۋي كەسەنەسىنىڭ اينالاسىنداعى اۋماقتى اباتتاندىرۋ بويىنشا شەشىم قابىلداندى» دەلىنگەن حابارلامادا.
ياعني، 4 -شىلدەدە باكۋ قالاسىندا تۇركىستان وبلىسىنىڭ دەلەگاتسياسى يۋنەسكو-نىڭ دۇنيەجۇزىلىك مۇرا كوميتەتىنىڭ 43-سەسسياسىندا ماڭىزدى كەلىسىمدەرگە قول جەتكىزدى. سەسسيادا ق. ا. ياساۋي كەسەنەسى اۋماعىنداعى قۇرىلىس وبەكتىلەرىنىڭ دۇنيەجۇزىلىك مۇراعا اسەرىن باعالاۋ ماسەلەلەرى دە قارالعان بولاتىن.
