جاڭقوش تۇراروۆ قارسىلاسىن نوكاۋتقا جىبەرىپ، الەمدىك تيتۋلىن جەڭىپ الدى

شارانىڭ باستى ايقاسى - قازاقستاندىق جاڭقوش تۇراروۆ (23-0، 16 ك و) پەن ارگەنتينالىق ماكسيميليانو گودوي (31-4-1، 16 ك و) اراسىنداعى جەكپە-جەك بولاتىن، حابارلايدى قازاقپارات.

بۇل جونىندە قازاقستان كاسىپقوي بوكس قاۋىمداستىعىنىڭ پاراقشاسىنان ءمالىم بولدى. قازاقستاندىق جاڭقوش تۇراروۆ جارتىلاي ورتا سالماقتاعى WBO Inter- Continental ەكىنشى دەڭگەيلى تيتۋلى ءۇشىن ايقاستا ارگەنتينالىق ماۋرو ماكسيميليانو گودويدى نوكاۋتپەن جەڭدى.

ولاردىڭ كەزدەسۋى 10 راۋندقا ەسەپتەلگەن بولاتىن، ءبىراق ءۇشىنشى راۋندتا، ۋاقىتىنان بۇرىن اياقتالدى. تۇراروۆ گودويدى نوكداۋنعا جىبەرگەن سوڭ تورەشى ونعا دەيىن سانادى، دەگەنمەن ارگەنتينالىق بوكسشى ورنىنان تۇرا المادى.

بۇل - 28 جاستاعى جاڭقوش تۇراروۆتىڭ 24- جەڭىسى. ول قارسىلاستارىن 17 رەت نوكاۋتپەن جەڭگەن. ءالى ءبىر دە ءبىر رەت جەڭىلمەگەن. ال 29 جاستاعى گودوي 34 رەت جەڭىسكە جەتىپ، ءبىر رەت تەڭ تۇسكەن. بۇل - ونىڭ بەسىنشى جەڭىلىسى.

ايتا كەتەيىك، نۇر-سۇلتانداعى بوكس كەشىن بريتاندىق MTK Global كومپانياسى مەن امەريكالىق Top Rank ۇيىمداستىرىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى