الەۋمەتتىك قورعاۋدا قۇقىق بۇزۋشىلىق ءجيى كەزدەسەتىن وڭىرلەر اتالدى
«تەك سوڭعى ەكى جىلدا ەڭبەك جانە الەۋمەتتىك قورعاۋ سالاسىندا 450 گە جۋىق سىبايلاس جەمقورلىق قىلمىسى تىركەلدى. وسى ءۇشىن قىلمىستىق جاۋاپكەرشىلىككە 192 لاۋازىمدى ادام تارتىلۋدا، 153 ءى سوتتالدى. قىلمىستىق جاۋاپقا تارتىلاتىنداردىڭ 70 پايىزدان استامى ءتۇرلى دەڭگەيدەگى باسشىلار ەكەنى ۇرەيلەندىرەدى» ، - دەدى سىبايلاس جەمقورلىققا قارسى ساياسات دەپارتامەنتىنىڭ ديرەكتورى دانيار سابىربايەۆ ەڭبەك جانە حالىقتى الەۋمەتتىك قورعاۋ مينيسترلىگىندە وتكەن كەڭەستە.
ونىڭ سوزىنە قاراعاندا، قۇقىق بۇزۋشىلىقتىڭ كوبىسى ماڭعىستاۋ، الماتى، پاۆلودار، تۇركىستان، قاراعاندى وبلىستارىندا انىقتالدى. بۇدان بۇرىن حابارلانعانداي، اتالعان كەڭەس بارىسىندا ق ر ەڭبەك جانە حالىقتى الەۋمەتتىك قورعاۋ مينيسترلىگى 23 مەملەكەتتىك قىزمەتتى اۆتوماتتاندىرۋ جانە وڭتايلاندىرۋعا قاتىستى شارالار اتقارىپ جاتقاندىعى ايتىلدى.
