شەكاراشىلار قىتايدىڭ ءدارى-دارمەگىن تاركىلەدى
«قورعاس» شەكارالىق باقىلاۋ وتريادىنىڭ جاۋاپكەرشىلىك اۋماعىنداعى «شەكارا بويى ىنتىماقتاستىعى ورتالىعىندا» شەكاراشىلار ەلىمىزگە 9 ك گ قىتاي ءدارى-دارمەگىن، 16 دانا «ىPODS» ماركالى سىمسىز قۇلاققاپتى زاڭسىز ەنگىزبەك بولعان 1976 -جىلعى ازاماتشانى ۇستادى. كەدەنشىلەردى الداپ وتكەن ايەل شەكاراشىلاردىڭ قىراعى كوزىنەن قۇتىلمادى. زاڭسىز تاۋار اكتىلەنىپ، «التىنكول» كەدەن بەكەتىنە تاپسىرىلدى.
ال «نۇر-سۇلتان» شەكارالىق باقىلاۋ وتريادىنىڭ شەكارا ناريادى «نۇر-سۇلتان - ۆارشاۆا» باعىتىمەن ۇشقالى تۇرعان № LOT-196 و پ ك اۋە رەيسىن رەسىمدەۋ بارىسىندا كەدەندىك تەكسەرۋدەن ءوتىپ بولعان 1984 -جىلعى قازاقستان ازاماتىن ۇستادى. ول وزىمەن بىرگە كەدەندەستىرىلمەگەن 17000 ا ق ش دوللارىن الىپ شىقپاق بولعان ەكەن. زاڭسىز قاراجات اكتىلەنىپ «استانا - اۋەجاي» كەدەن بەكەتىنە تاپسىرىلدى.
قورداي شەكارا وتريادىنىڭ «قاراسۋ اۆتو» وتكىزۋ بولىمشەسىندە شەكارالىق تەكسەرۋگە كورشى ەلدىڭ اۋماعىنان «تويوتا كامري» اۆتوكولىگىمەن جاقىنداعان جۇرگىزۋشى اۆتوكولىكتەن شىعا بەرىپ، قالتاسىنان الدەقانداي ءبىر زاتتى ەلەۋسىز الىپ شىعىپ ءبىر شەتكە قاراي لاقتىرىپ جىبەردى. الايدا شەكاراشىلار مەن ولاردىڭ ەسىرتكى زاتىن ىزدەۋگە ارنايى ۇيرەتىلگەن قىزمەتتىك ءيتى ونىڭ قيمىلىن قالت جىبەرمەدى. 1964 -جىلعى قازاقستاندىق سالماعى 5 گرامم كولەمىندەگى قوشقىل-جاسىل ءتۇستى، وزىندىك ءيىسى بار وسىمدىك تەكتى زاتتان قۇتىلماق بولعان. گاشيش ەسىرتكىسى بولۋى مۇمكىن دەگەن كۇدىكپەن، يەسىمەن بىرگە قورداي اۋداندىق پوليتسيا بولىمىنە تاپسىرىلدى.
قازاقستاننان ءوز ەلىنە قاراي جاياۋلاتىپ شىعىپ بارا جاتقان 24 جاستاعى وزبەكستاندىق «ماريحۋانا» ەسىرتكىسىن اياق كيىمىنىڭ ىشىنە جاسىرىپ وتپەك بولعان. الايدا ارنايى ۇيرەتىلگەن قىزمەتتىك ءيتتىڭ كومەگىمەن سارىاعاش شەكارا وتريادىنىڭ «جىبەك جولى» بولىمشەسىنىڭ شەكاراشىلارى كۇدىكتىنى ۇستادى.
الماتى حالىقارالىق اۋەجايىندا شەكاراشىلار «ءۇرىمجى- الماتى» باعىتىنداعى CZ-6011 اۋە رەيسىمەن كەلگەن 1989 -جىلعى لاتۆيا ازاماتىن ۇستادى. ونىڭ مەملەكەتتىك شەكارادان وتۋگە قۇقىق بەرەتىن قۇجاتتارى وتە شەبەرلىكپەن، تولىقتاي قولدان جاسالىپتى. ۇستالعان ازامات قايتادان ءۇرىمجى قالاسىنا دەپورتاتسيالاناتىن بولادى.
BAQ. KZ
