انيماتسيالىق «مۇزبالاق فيلمى» رەسەيدەگى كونكۋرستا كورسەتىلەدى
ق ر مادەنيەت جانە سپورت مينيسترلىگىنىڭ تاپسىرىسى بويىنشا «قازاقفيلم» تۇسىرگەن تۋىندى قازاقتىڭ بۇركىت باۋلۋ عۇرپىنا ارنالعان. «مۇزبالاق» فيلمىنىڭ ياروسلاۆلدە كورسەتىلۋى ءبىز ءۇشىن اتۋلى وقيعا. ءبىز قازاق انيماتسياسىن الەمگە شىعارا باستادىق دەۋگە بولادى. ونىڭ جاقسى ناتيجەسى بولادى دەگەن ءۇمىتىم بار» ، - دەيدى «قازاقفيلم» وكىلى اداي ابەلدينوۆ.
«ۆ كرۋگۋ سەمي» فەستيۆالى وتباسىمەن كورۋگە ارنالعان الەمنىڭ ۇزدىك تۋىندىلارىن كورەرمەن نازارىنا ۇسىنادى. ونىڭ باستى ماقساتى - كينو ارقىلى وتباسى قۇندىلىقتارىن دارىپتەۋ. فەستيۆال جىل سايىن ءار قالادا ءوتىپ، اياسىندا ءتۇرلى ويىن- ساۋىقتىق باعدارلامالار ۇيىمداستىرىلادى. بىلتىر وسى «مۇزبالاق» انيماتسيالىق فيلمى ق ر كينەماتوگرافيستەرىنىڭ «ۇزدىك انيماتسيالىق فيلم» اتالىمى بويىنشا «قۇلاگەر» ۇلتتىق جۇلدەسىن يەلەنگەن بولاتىن. سونداي- اق، اتالمىش تۋىندى XVII حالىقارالىق «وت رۋحى» («دۋح وگنيا» ) اتتى دەبيۋتتىك فيلمدەر كينوفەستيۆالىنىڭ «سەنىڭ كينوڭ» («تۆوە كينو» ) كونكۋرستىق باعدارلاماسىنا قاتىسقان.
