ۇشاقتان اقاۋ تابىلىپ، نۇر-سۇلتان - انتاليا رەيسى ءۇش رەت كەيىنگە شەگەرىلدى

ق ر ازاماتتىق اۆياتسيا كوميتەتىنىڭ دەرەگىنە سۇيەنسەك، 228 جولاۋشىنى الىپ ۇشۋعا ءتيىس بوينگ-757 ۇشاعىنان اقاۋ تابىلىپ، تۇنگى ساعات 2.00 دەگى رەيس كۇندىزگى 10.00 گە اۋىستىرىلعان بولاتىن.

«ۇشاق اقاۋىن جوندەۋگە ۋاقىت كوپ كەتىپ، رەيستىڭ ۋاقىتى تاعى ءبىر ساعاتقا شەگەرىلگەن. كەيىن اقاۋدىڭ وڭايلىقپەن جويىلمايتىنى انىقتالىپ، اۋە كومپانياسى باسقا ۇشاق شىعارۋ تۋرالى شەشىم قابىلدادى. ول ۇشاق قازىر الماتىداعى بازادا ساپارعا دايىندالىپ جاتىر. اتالمىش اۋە كەمەسى نۇر-سۇلتانعا ساعات 13.00 دە ۇشىپ شىعادى. كەشىككەن جولاۋشىلار انتالياعا سول ۇشاقپەن 15.30 دا ساپارعا اتتانادى»، - دەلىنگەن كوميتەتتىڭ اقپاراتىندا.

ۇشاقتىڭ كەشىگۋىنە بايلانىستى بارلىق جولاۋشىلارعا سۋسىن مەن تاماق، جاتىن ورىن ۇسىنىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى