نۇرلان نىعماتۋلين الداعى بەسىنشى سەسسيادا دەپۋتاتتاردىڭ اتقاراتىن جۇمىسىن ايتتى
«الداعى بەسىنشى سەسسيا جۇمىسىن ايتا كەتسەك، پارلامەنت ەلباسى نۇرسۇلتان نازاربايەۆتىڭ جولداۋى مەن الەۋمەتتىك قامقورلىق باستامالارىن ىسكە اسىرۋعا ارنالعان جۇمىستاردى ودان ءارى جالعاستىراتىن بولادى. سونىمەن بىرگە، دەپۋتاتتار ءوز جۇمىستارىندا مەملەكەت باسشىسى قاسىم-جومارت توقايەۆ ۇسىنعان 10 نەگىزگى باعىتتى باسشىلىققا الىنادى»، - دەدى ن. نىعماتۋلين.
ونىڭ سوزىنە قاراعاندا، قازىرگى ۋاقىتتا پارلامەنت قورجىنىندا 34 زاڭ جوباسى بار.
«ءبىزدىڭ الدىمىزدا 2020-2022-جىلدارعا ارنالعان رەسپۋبليكالىق بيۋجەت تۋرالى زاڭدى قابىلداۋ مىندەتى تۇر. بۇل قۇجاتتىڭ نەگىزگى ماقساتى - حالىقتىڭ ءومىر ساپاسىن جاقسارتۋعا ارنالعان مەملەكەتتىك باعدارلامالارعا ءتيىستى قاراجات ءبولۋدى قامتاماسىز ەتۋ. سونىمەن بىرگە، «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكس، سونداي-اق جاڭا ەكولوگيالىق كودەكستى قابىلداۋ ءبىرىنشى كەزەكتەگى ماڭىزدى جۇمىستاردىڭ ءبىرى. بۇعان قوسا، بولاشاق ۇرپاقتى تاربيەلەيتىن، ۇلكەن جاۋاپكەرشىلىكتى قاجەت ەتەتىن پەداگوگ مارتەبەسى تۋرالى جانە مادەنيەت ماسەلەلەرىنە ارنالعان زاڭدارىمىز بار»، - دەدى ن. نىعماتۋلين.
ونىڭ اتاپ وتۋىنشە، الداعى سەسسيادا پارلامەنتتە تاريحي ماڭىزى زور ءىرى حالىقارالىق شارا وتەتىن بولادى. بيىلعى قىركۇيەكتە ەلوردادا ەۋرازيا ەلدەرى پارلامەنتتەرى سپيكەرلەرىنىڭ ءتورتىنشى فورۋمى بولادى.
«ۇلكەن ەۋرازيا: ديالوگ. سەنىم. سەرىكتەستىك» دەپ اتالاتىن ماڭىزدى جيىنعا 60 تان استام ەلدىڭ پارلامەنت باسشىلارى قاتىسادى، سونىمەن بىرگە، 16 حالىقارالىق جانە پارلامەنتتىك ۇيىم باسشىلارى كەلەدى دەپ كۇتىلۋدە. بۇدان بۇرىن حابارلانعانداي، قازاقستان پارلامەنتى دەپۋتاتتارى كانيكۋلعا كەتتى.
