قورعانىس ءمينيسترى ارىستا جارىلىس سالدارىن جويۋ جۇمىستارىمەن تانىسۋدا
ءمالىم ەتىلگەندەي، نۇرلان ەرمەكبايەۆ جۇمىس ساپارى بارىسىندا جارىلىس سالدارىن جويۋ بويىنشا بەرىلگەن تاپسىرمالاردىڭ ورىندالۋىن تەكسەردى. سونداي-اق اسكەري ءبولىمدى كوشىرۋ جانە وق-دارىلەردىڭ بولشەكتەرىن جويۋ ماسەلەلەرىن جەكە باقىلاۋىنا الدى.
«ارىس قالاسىنا جۇمىس ساپارى بارىسىندا قورعانىس ءمينيسترى قالا ماڭىن ارالاپ، وق-دارىلەر مەن قارۋ-جاراقتاردى كونتەينەرلەرگە تيەۋ تارتىبىمەن، اسكەري قىزمەتشىلەردىڭ دالالىق لاگەردەگى تۇرمىسىمەن، ۇشقىشسىز ۇشۋ قۇرىلعىلارىن دالالىق باسقارۋ پۋنكتىندەگى جۇمىس جاعدايىمەن تانىستى. سونداي-اق جەرلەردى ميناسىزداندىرۋ مەن تازارتۋ جونىندەگى ينجەنەرلىك بولىمشەلەرگە قارايتىن جەكە قۇرامنىڭ نۇسقاۋلىقتارىن تەكسەردى»، - دەدى مينيسترلىكتەن.
جيناۋ پۋنكتىندە وق-ءدارى بولشەكتەرىن جويۋ جۇمىستارىنىڭ بارىسى تەكسەرىلىپ، «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى ق. قاراقۇلوۆتىڭ وقيعا سالدارىن جويۋ جونىندە اعىمداعى جاعدايلار مەن جۇمىستاردى ۇيىمداستىرۋ تۋرالى بايانداماسى تىڭدالدى. كەيبىر ماسەلەلەر بويىنشا شۇعىل شەشىمدەر قابىلداندى.
«سونداي-اق مينيستر ارىس قالاسىندا وقيعا سالدارىنان قازا بولعان اسكەري قىزمەتشىلەردىڭ وتباسىلارىن ارالاپ، ولاردىڭ جاقىندارى مەن تۋىستارىنا قايعىرا كوڭىل ايتتى. ول ءار اسكەري قىزمەتشى اسكەري مىندەتىن ادال ورىنداپ، ءوز اسكەري ءىسىنىڭ كاسىبي شەبەرى ەكەنىن اتاپ ايتتى»، - دەدى قورعانىس ۆەدومستۆوسىنان.
