يراندىق نانوتەحنولوگيالى كىلەم مەن نانو-سۇلگىنىڭ ەرەكشەلىگى نەدە

شيعالار ەلىنىڭ نانوتەحنولوگيا جونىندەگى يننوۆاتسيالىق كەڭەسىنىڭ (INIC) كەلتىرگەن دەرەگىنە قاراعاندا، «Farrahi Carpet» كومپانياسىنىڭ بولىمشەسى «Farrokh Sepehr Kashan Co.» الەمنىڭ 25 ەلىنە وتكەن جىلى نانوتەحنولوگيالى كىلەمدەرىن 1,5 ميلليون دوللارعا وتكىزگەن.

بۇل جايىندا Mehr News اقپارات كوزى حابار تاراتتى.

يراندىق نانوتەحنولوگيالى كىلەمنىڭ ارتىقشىلىعى نەدە؟ باكتەرياعا قارسى ەرەكشەلىگىندە. بۇل ەرەكشەلىك ءوز كەزەگىندە يراندىق كىلەمنىڭ باعاسىنا ۇستەمە اقى قوسپايدى، ياعني، قىمباتتاتپايدى. بۇدان بولەك، يراندىق «Banian Azar Novin Ideal Co.» كومپانياسى گرۋزيا، يراك جانە ءازىربايجان سەكىلدى كورشى ەلدەرگە وتكەن جىلى 201 تونناعا دەيىن نانوتەحنولوگيالى سۇلگىنى 600 مىڭ دوللارعا ساتقان. اتالمىش سۇلگى يراننىڭ ەمحانالارىندا كەڭىنەن قولدانىلادى. باكتەرياعا قارسى بۇل سۇلگى كوپ جۋۋدى قاجەت ەتپەيدى.

يراندىق Fars News (پارسى جاڭالىقتارى! تاراتقان اقپاراتقا قاراعاندا، «Banian Azar Novin Ideal Co.» نانوتەحنولوگيانى قولدانىپ توقىما توقۋدان كوش باسىنان كورىنگەن كومپانيا سانالادى.

INIC-تىڭ نانوتەحنولوگيا جونىندەگى باستاماشىل كەڭەستىڭ جەتەكشىسى سايد ساركار يراندىق عالىمداردىڭ اتسالىسۋىمەن نانوتەحنولوگيا قولدانعان شامامەن 250 ءونىم ىشكى نارىقتا 2020 -جىلى پايدا بولماق. يراننىڭ نانوتەحنولوگيا تاجىريبەسى ونەركاسىپتىڭ 15 سالاسىندا قولدانىلادى. ونىڭ ايتۋىنشا، يراندىق نانوتەحنولوگيالى ونىمدەر الەمنىڭ 45 ەلىنە ەكسپورتتالادى.

سولاردىڭ ىشىندە وڭتۇستىك كورەيا، اۆستراليا، قىتاي، يندونەزيا، تۇركيا، رەسەي، مالايزيا، كانادا، سەكىلدى دامىعان مەملەكەتتەرمەن قاتار، ەۋروپا ەلدەرىنە دە، لاتىن امەريكاسىنا جونەلتىلەدى. وتكەن جىلى نانوتەحنولوگيا قولدانعان يراندىق ونىمدەر اتالعان ەل قازىناسىن 62 ميلليون دوللارعا تولىقتىردى.

islam.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى