قانات يسلام: حالقىما جەڭىس سىيلاعىم كەلەدى
قازاقستاندىق بىلعارى قولعاپ شەبەرى قانات يسلام ءوزىنىڭ دايىندىعى جايىندا ايتتى، دەپ حابارلايدى قازاقپارات ءتىلشىسى.
بوكس كەشىندە قانات يسلام ورتا سالماقتاعى WBO Inter-Сontinental بەلبەۋى ءۇشىن 36 جاستاعى حۋليو دە حەسۋسپەن جۇدىرىقتاسادى.
«ەرتەڭ الەمدەگى ەڭ قىزىقتى بوكس كەشى بولادى دەپ ۇمىتتەنەمىن. بۇل ومىردە وڭاي ەشتەڭە جوق. رينگ - بۇل ءومىر. وندا قۋانىش پەن قايعى قاتار جۇرەدى. مەن ءبىر جىلدان استام ۋاقىت وزىممەن جۇمىس ىستەدىم، جاراقاتتان كەيىن قالپىما كەلۋگە ارەكەتتەندىم. قازىر جاڭا جاتتىقتىرۋشىمەن وسى ءىس-شاراعا كوپتەن بەرى دايىندالىپ جاتىرمىن. مەن بارىنە دايىنمىن. بارلىق قاتىسۋشىلارعا ساتتىلىك تىلەيمىن. قولداۋلارىڭىزعا راحمەت»، - دەدى قانات يسلام.
قانات يسلام ءوز قارسىلاسىن جوعارى باعالادى.
«ءيا، مەنىڭ قارسىلاسىم مىقتى. ول كوپتەگەن جەكپە-جەك وتكىزدى. ونىڭ ماعان قاراعاندا رەكوردتارى مەن نوكاۋتتارى كوپ. مەنىڭ ويىمشا، ءبىز ەكەۋىمىز دە بوكستا قالاي بولاتىنىن بىلەمىز. مۇندا جاقسى جانە مۇقيات دايىندالعان بوكسشى جەڭەدى. ارينە، باق پەن باپ تا بار. مەن حالقىما ۇمىتىلماستاي جەڭىس سىيلاعىم كەلەدى. بارلىعى رينگتە شەشىلەدى»، - دەپ قوستى قازاقستاندىق بوكسشى.
سونداي-اق، ول 69 كەلى سالماقتان,72 كەلى ءبىرىنشى سالماق دارەجەسىنە اۋىسۋىن ايتتى.
«مەن 2003-جىلى 69 كەلى سالماقپەن شىقتىم. وسى سالماقتا مەن ەكى وليمپياداعا قاتىستىم. مەن ءۇشىن سالماق قۋالاۋ قيىنعا سوقتى. اۋەسقوي بوكستا 73 جانە 75 كەلىگە دەيىنگى سالماقپەن سىنالدىم. سوندىقتان بۇل مەنىڭ سالماعىم. مەن بۇعان دەيىن وسى سالماقتا باسەكەلەسۋدى جوسپارلاعان ەدىم، ءارى قاراي دا قالۋدى كوزدەپ وتىرمىن »، - دەپ ءتۇسىندىردى قانات يسلام.
ءوز كەزەگىندە، قانات يسلامنىڭ قارسىلاسى حۋليو دە حەسۋس قازاقستاندىقتى جەڭۋگە دايىن ەكەنىن جەتكىزدى.
«ءيا. مەن بارىنە دايىنمىن. كوپ سويلەگىم كەلمەيدى. ىسپەن دالەلدەگىم كەلەدى. مەن ودان قورىقپايمىن. ونى جەڭەمىن»، - - دەدى حۋليو دە حەسۋس باسپا ءسوز ءماسليحاتىندا.
ەستەرىڭىزگە سالا كەتەيىك، قانات يسلام 2017-جىلدىڭ قىركۇيەگىندە استانا قالاسىندا وتكەن بوكستا كانادالىق برەندون كۋكانى توعىزىنشى راۋندتا نوكاۋتقا تۇسىرگەن بولاتىن. سودان بەرى رينگكە شىقپادى.
باسپا ءسوز ءماسليحاتىنىڭ قورىتىندىسى بويىنشا بارلىق قاتىسۋشىلار سالماق سالتاناتىنان ءساتتى ءوتتى. ەرتەڭ، 5- شىلدەدە الماتىدا بالۋان شولاق اتىنداعى سپورت جانە مادەنيەت سارايىندا بوكس كەشى وتەدى، وندا قانات يسلام (25-0) WBO Inter-Сontinental ورتاشا سالماق دارەجەسى ءۇشىن باق سىنايدى.
باستالۋى 17: 30 دا. تۋرنيردە بارلىعى 10 جەكپە-جەك بولادى، ولاردىڭ ۇشەۋىنىڭ اتاعى بار. قانات يسلامنان بولەك جەكپە-جەككە قازاقستاندىق ابىلايحان قۋسايىنوۆ پەن ءماديار اشكەيەۆ شىعادى. ۇيىمداستىرۋشىلار: Qazaq Promotions پەن الماتى قالاسىنىڭ اكىمدىگى.
