ەشبىر ەلدى مەكەننىڭ ماڭىندا ارتيللەريالىق وق-ءدارى بولمايدى - قورعانىس ءمينيسترى
بۇل تۋرالى سەناتتا تىلشىلەر ساۋالىنا جاۋاپ بەرۋ كەزىندە ق ر قورعانىس ءمينيسترى نۇرلان ەرمەكبايەۆ ءمالىم ەتتى، دەپ حابارلايدى قازاقپارات ءتىلشىسى.
«قويمالاردا وق-ءدارىنى ساقتاۋ تارتىبىنە قاتىستى تەكسەرۋلەر تۇراقتى تۇردە جۇرگىزىلىپ تۇرادى. اپاتقا دەيىن ارىستا دا بىرنەشە تەكسەرۋ جۇرگىزىلگەن بولاتىن. قانداي دا ءبىر كەمشىلىكتەر انىقتالىپ، بارلىعى جويىلعان ەدى. قازىرگى كەزدە بارلىق گارنيزون مەن قالالار بويىنشا تاعى ءبىر تەكسەرۋدى تاعايىندادىم. ءبىزدىڭ ماقسات - ەشبىر قالادا، ەلدى مەكەننىڭ ماڭىندا ەشقانداي ارتيللەريالىق وق-ءدارىنى قالدىرماۋ. تەك اسكەري بولىمدەر اۋماعىن كۇزەتۋ ءۇشىن اتىس قارۋى پاتروندارى عانا ساقتالادى»، - دەدى مينيستر.
بۇدان بۇرىن حابارلانعانداي، نۇرلان ەرمەكبايەۆ ارىستاعى جارىلىس بويىنشا تەرگەۋ امالدارى شامامەن ءبىر ايدىڭ ىشىندە اياقتالاتىنىن اتاپ ءوتتى.
