باتىس قازاقستاندىق كاراتەشى الەم كۋبوگىنىڭ يەگەرى اتاندى

ۇلتتىق رەسپۋبليكالىق كيوكۋشينكاي-كان كاراتە فەدەراتسياسى بقو فيليالىنىڭ ديرەكتورى سولونگو يسحاننىڭ ءمالىم ەتكەنىندەي، ايتۋلى دوداعا ءتۇرلى فەدەراتسيالاردان (KAN، SHIN، IFK، KWF) الەمنىڭ 32 ەلىنەن 600 دەن استام سپورتشى قاتىسىپ، باق سىنادى.

ەل قۇراماسى ساپىندا باتىس قازاقستان وبلىسىنان ءتورت سپورتشى بارىپ، ءبارى دە جۇلدەگە ىلىكتى.

اسىرەسە، 16-17 جاس اراسىندا 55 كەلى سالماقتا سىنعا تۇسكەن نۇرگۇل ساپاروۆا ءتورت جەكپە-جەگىندە دە جەڭىسكە جەتىپ، چەمپيون اتاندى.

ۇزاققا سوزىلعان سوڭعى باسەكەدە رەسەيلىك الەم چەمپيونىنا جول بەرگەن ەلنارا توعىزبايەۆا كۇمىس جۇلدەگە يە بولدى.

ال شاينۇر سادىقوۆ پەن گۇلزيا ءومىرزاقوۆا ءۇشىنشى ورىنعا كوتەرىلدى. جالپى كوماندالىق ەسەپتە قازاقستان قۇراماسى 9 التىن، 17 كۇمىس جانە 23 قولا مەدالمەن ەكىنشى ورىندى ەنشىلەدى.

سونىڭ ىشىندە ۇلتتىق رەسپۋبليكالىق كيوكۋشينكاي-كان كاراتە فەدەراتسياسىنان بارعان ن. ساپاروۆاعا قوسا ايبەك امانوۆ، تەمىرلان جانىبەك، ءمادينا ساۋىتوۆا جانە الەكساندر ترونياگين التىن مەدالدى جەڭىپ الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى