ۇلتتىق بانك كوپبالالى وتباسىلار ءۇشىن يپوتەكا بويىنشا قولداۋ جاساۋعا دايىن

بۇل تۋرالى پارلامەنت ءماجىلىسىنىڭ جالپى وتىرىسىندا ۇ ب باسشىسى ەربلات دوسايەۆ ءمالىم ەتتى، دەپ حابارلايدى قازاقپارات ءتىلشىسى.

«وزدەرىڭىز بىلەسىزدەر، تۇرعىن ءۇي قۇرىلىس جيناق بانكىنىڭ ستاندارتتى تالابى - 20 جىل، ستاۆكا - 2 پايىز. بانك بىزگە قوسىمشا كومەك بويىنشا ءوتىنىم جاساعان جوق. ازىرگە، وزدەرىنىڭ جەكە قارجىسى ەسەبىنەن ەڭسەرىپ كەلەدى. الايدا قاجەتتىلىك بولسا، تۇرعىن ءۇي قۇرىلىس جيناق بانكىن قولداۋعا ءازىرمىز»، - دەدى ە. دوسايەۆ دەپۋتاتتار ساۋالىنا جاۋاپ بەرە وتىرىپ.

ق ر يندۋستريا جانە ينفراقۇرىلىمىق دامۋ مينيسترىگىنىڭ مالىمەتىنشە، اتالعان يپوتەكا 2 پايىزبەن 20 جىلعا بەرىلەدى. بۇل باعدارلامادا باستاپقى جارنا 10 پايىز دەڭگەيىنە. بۇدان بۇرىن كوپبالالى وتباسىلارعا 2 پايىزدىق يپوتەكا بەرۋ بيىل باستالاتىنى حابارلانعان ەدى. باعدارلاما تالاپتارىنا سايكەس، قۇجات تاپسىرۋ كەزىندە ءاربىر وتباسى تۇرىپ جاتقان قالاسىنداعى اكىمدىگىنە بارىپ، «كوپبالالى وتباسى»، «مۇمكىندىگى شەكتەۋلى بالانى تاربيەلەپ جاتقان وتباسى»، «تولىق ەمەس وتباسى» ساناتتارى بويىنشا كەزەككە جولداما الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى