استانادا «قاسيەتتى قازاق ەلى» حالىقارالىق ونەر فەستيۆالى وتەدى

دۇنيەجۇزى قازاقتارى قاۋىمداستىعى، نۇر- سۇلتان قالاسى اكىمدىگى جانە ق ر اقپارات جانە قوعامدىق دامۋ مينيسترلىگىنىڭ قولداۋىمەن وتەتىن شارا ەلورداداعى جەتىسۋ ساياباعىندا «Open air» فورماتىندا ۇيىمداستىرىلماق، دەپ حابارلايدى قازاقپارات.

اتالعان حالىقارالىق ءىس- شاراعا نەگىزىنەن شەتەلدە تۇراتىن قانداستارىمىز قاتىسادى. «قاسيەتتى قازاق ەلى» اتالاتىن ونەر فەستيۆالى قازاق مادەنيەتىنىڭ رۋحاني جانە ماتەريالدىق بىرەگەيلىگىنە سۇيەنە وتىرىپ، دارىندى جاستاردى انىقتاۋعا، ولاردى قازاقستانعا تارتۋ ارقىلى ودان ءارى قولداۋعا باعىتتالعان. فەستيۆال فولكلورلىق ونەردىڭ بىرەگەي جانرلارىن، مۋزىكالىق جانە قولدانبالى ونەردىڭ بىرەگەي ۇلگىلەرىن ساقتاۋعا، سونداي- اق شەتەلدە تۇراتىن وتانداستاردىڭ شىعارماشىلىق جانە ءبىلىم بەرۋ الەۋەتىن ارتتىرۋ ماقساتىندا وتكىزىلەدى. فەستيۆالدا 4 نوميناتسيا بويىنشا بايقاۋ ۇيىمداستىرىلادى. اتاپ ايتقاندا، ءمۇشايرا نوميناتسياسىندا اقىننىڭ كونكۋرسقا ۇسىنعان تۋىندىسى بۇرىن جاريالانباعان بولۋى ءتيىس. تۋىندىنىڭ كولەمىنە شەكتەۋ قويىلمايدى. ۇمىتكەرلەر «قازاق ەلى» ، «نۇر- سۇلتان» ، «حالىق مۇراسى» تاقىرىپتارىنا ارنالعان 3 تۋىندىسىمەن قاتىسۋى ءتيىس. ال تەرمە نوميناتسياسىندا قاتىسۋشى 2 تۋىندى ورىندايدى. سونىمەن قاتار، حالىقتىق- قولدانبالى ونەر نوميناتسياسىندا اۆتورلىق بۇيىمدى ۇسىنۋ، بۇيىمداردى دايىنداۋ بويىنشا شەبەرلىك سىنىپتارىن وتكىزۋ قاراستىرىلعان. بۇيىمدار قازاق حالقىنىڭ مادەنيەتىن، ءداستۇرىن جانە تۇرمىسىن بەينەلەۋى ءتيىس. بۇدان بولەك، ۇلتتىق اندەر نوميناتسياسى دا بار.

«Open air» فورماتىندا وتەتىن فەستيۆالدا جەڭىمپازدار مەن قاتىسۋشىلار ماراپاتتالادى. ونىڭ سوڭى قازاق ەسترادا جۇلدىزدارىنىڭ قاتىسۋىمەن وتەتىن گالا- كونسەرتكە ۇلاسادى. فەستيۆالدىڭ باستى نازارى، «شارىن» شاتقالىنىڭ اسەم كورىنىسى جانىندا ورنالاسقان ۇلكەن ساحنادا فەستيۆال قاتىسۋشىلارىنىڭ ورىنداۋىندا ەڭ ۇزدىك مۋزىكالىق كومپوزيتسيالار ورىندالادى. ساياباق اۋماعىندا 10 كيىز ۇيدەن تۇراتىن ەتنواۋىل، كەلۋشىلەردىڭ قولونەر شەبەرلەرىنىڭ جۇمىس جاساۋ بارىسىمەن تانىسا الاتىن، ۇلتتىق قولونەر ساباقتارىنا قاتىسا الاتىن، ەتنو- ونىمدەردى ساتۋعا ارنالعان كورمە- جارمەڭكە شىعىس بازارى ورىن الادى جانە سۋرەتكە ءتۇسۋ ايماعى دا ۇيىمداستىرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى