عاسىر سوڭىندا افريكا تىرشىلىككە جارامسىز قۇرلىققا اينالۋى مۇمكىن

تابيعي رەسۋرستاردى اشكوزدىكپەن پايدالانۋدىڭ سالدارى افريكانى تىرشىلىككە جارامسىز قۇرلىققا اينالدىرادى. بۇل جايىندا Scientific Reports مەرزىمدى باسىلىمىندا عالىمدار وسىنداي تۇجىرىم جاساپتى.

«ءبىزدىڭ بۇل تۇجىرىمىمىز بىرىككەن ۇلتتار ۇيىمىنىڭ تۇراقتى دامۋ باعدارلاماسىنا قايشى كەلەدى. ويتكەنى، ب ۇ ۇ باعدارلاماسى حالىقتىڭ سانىن شەكتەۋ ءارى حالىقتىڭ تىعىز ورنالاسۋىنا قارسى شارالاردى قامتىماعان. افريكا ەلدەرى حالىق سانىنىڭ ءوسۋىن تەجەيتىن ناقتى شارالاردى قولعا الۋى ءتيىس»، - دەپ مالىمدەدى اۆسترالياداعى ادەلايدا ۋنيۆەرسيتەتىنىڭ عالىمى كوري برەدشوۋ (Corey Bradshaw).

ب ۇ ۇ كەلتىرگەن مالىمەتكە قاراعاندا، جەر تۇرعىندارىنىڭ قاراسى وسى عاسىردىڭ ورتا شەنىندە 9,9 ميلليارد ادامعا جەتپەك، 2053 -جىلى بۇل كورسەتكىش 10 ميللياردتان اسىپ جىعىلماق. ونىڭ كوپ بولىگى افريكا قۇرلىعىنداعى ەلدەرگە تيەسىلى - اتالمىش قۇرلىقتاعى ادامدار سانى 2,5 ميللياردقا كوبەيەدى. ال امەريكالىقتاردىڭ ۇلەسى 223 ميلليون ادامدى قۇراسا، ازيالىقتار 900 ميلليون ادامعا كوبەيمەك. ەۋروپالىقتار قاراسى كەرىسىنشە 12 ميلليون ادامعا ازايماق.

PRB ۇكىمەتتىك ەمەس ۇيىمىنىڭ ساراپشىلارى پلانەتانىڭ ەڭ باستى الەۋمەتتىك-دەموگرافيالىق پروبلەماسىنا ەكونوميكاسى ارتتا قالعان ەلدەردە حالىق سانىنىڭ ءوسۋىن جاتقىزىپ وتىر. قازىردىڭ وزىندە افريكا تۇرعىندارى ينفراقۇرىلىمدىق، ەكولوگيالىق، ت. ب. پروبەلامالارمەن بەتپە-بەت كەلىپ وتىر. ءتىپتى، قاراپايىم تۇرمىستىق قاجەتتىلىكتەرىن قامتاماسىز ەتۋگە دارمەنسىز.

islam.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى