ادامنىڭ قانى دا قورعاۋعا الىنادى
رەسەي فەدەراتسياسىنىڭ مينيسترلەر كابينەتى مەملەكەتتىك دۋمانىڭ قاراۋىنا ادامنىڭ گەنەتيكالىق اقپاراتىنا قاتىستى پەرسونالدىق (جەكە باسىنىڭ) مالىمەتتەرى تۋرالى زاڭ جوباسىن ەنگىزدى. اتالمىش تۇزەتۋ ادامنىڭ گەنەتيكالىق ەرەكشەلىگىن سيپاتتايتىن دەرەكتى پەرسونالدىق (جەكە باسىنىڭ) مالىمەتتەرىنە جاتقىزۋدى ۇيعارادى. سوعان وراي ول قوسىمشا قورعاۋعا الىنادى. بيوماتەريال (مىسالى، قان) ادامنىڭ دەنساۋلىعىنان، ءومىر ءسۇرۋ سالتىنان، مىنەز-قۇلىق ەرەكشەلىگىنەن، ءدارى-دارمەكتى اعزاسىنىڭ قالاي قابىلدايتىنىنان، ت. ب. حابار بەرەتىن گەنەتيكالىق اقپاراتتى قامتيدى. اتالمىش زاڭ اۆتورلارى بۇل زاڭنىڭ ادامنىڭ كونستيتۋتسيالىق قۇقىعىنا قايشى كەلمەيتىنىن العا تارتىپ وتىر.
