ادامنىڭ ءبىر-ءبىرىن قايتالامايتىن تاعى ءبىر ەرەكشەلىگى بارىن بىلەسىز بە
بۇل ەرەكشەلىك ءوز كەزەگىندە ادامنىڭ بيومەتريالىق دەرەك قورىن تولىقتىرا الادى. وسى ەرەكشەلىك امەريكالىق ساربازداردىڭ يدەنتيفيكاتسيالىق قۇرىلعىسىندا پايدالانىلاتىن بولادى.
بۇل جايىندا Task and Purpose اقپارات كوزى حابار تاراتتى.
ا ق ش-تىڭ قورعانىس مينيسترلىگى ا ق ش-تىڭ ارنايى وپرەاتسيالىق كۇشتەرىنىڭ وتىنىشىمەن بۇل پرينتسيپتى جاۋدىڭ جۇرەك قاعىسىن ەسەپتەۋ ارقىلى قاشىقتان ولاردىڭ كومباتانتتارىن انىقتاۋعا ارنالعان ينفراقىزىل لازەردى جاساۋدا پايدالاندى.
امەريكالىق اسكەريلەر Jetson دەپ اتايتىن اتالمىش قۇرىلعىدا ادامنىڭ جۇرەك قاعىسىنان پايدا بولاتىن قوزعالىستى انىقتاۋعا مۇمكىندىك بەرەتىن ءدىرىلدى كونتاكتىسىز ولشەيتىن لازەرلى ۆيبرومەتريا قولدانىلادى. اتالعان قۇرىلعى، دالىرەگى، لازەر ادامنىڭ سىرت كيمىنەن ءوتىپ، 200 مەتر قاشىقتان شامامەن 95 پايىز سايكەستەندىرۋ ناتيجەسىن الۋعا كومەكتەسەدى.
بۇل قاشىقتىق الداعى ۋاقىتتا ارتتىلاتىن بولادى.
ماسەلەن، ادامنىڭ بۇل ەرەكشەلىگىنىڭ ارتىقشىلىعى وزگە ساۋساق ءىزى نەمەسە داۋسى سەكىلدى ءبىر- ءبىرىن قايتالامايتىن ەرەكشەلىكتەرگە قاراعاندا كونتاكتىسىز تۇلعانىڭ كىم ەكەنىن انىقتاۋعا كومەكتەسەتىندىگىندە جاتىر. ياعني، ادامنىڭ ساۋساق ءىزىن الۋ نەمەس داۋسىن ەستۋ مۇمكىن بولماعان جاعدايدا ونىڭ كىم ەكەنىن انىقتاۋ ءۇشىن جۇرەك قاعىسىن «ەستۋ» جەتىپ جاتىر.
islam.kz
