ەلوردادا «سەمسەر» ادەبي سىيلىعىنىڭ يەگەرلەرى ماراپاتتالدى
قازىلار القاسىنىڭ شەشىمى بويىنشا گران- پري بەلگىلى اقىن اقبەرەن ەلگەزەككە بەرىلدى. سونىمەن قاتار، باس دەمەۋشى - ERG كومپانياسىنىڭ وكىلدەرى اقىنعا ساقتاردان قالعان اق سەمسەردى تابىس ەتتى. ۇزدىك پروزا اتىلىمىنا قازىلار القاسىنىڭ شەشىمىمەن نۇرلان حاۆداي مەن قانات تىلەۋحان لايىق دەپ تابىلدى. ۇزدىك پوەزيا اتالىمىندا مارلەن مالىك ۇلى مەن قۋانىش وسپان جەڭىمپاز اتاندى. سونداي- اق، ۇزدىك سىن اتالىمى بويىنشا اينۇر نايمانباي مەن باعاشار تۇرسىنباي لاۋرەات بولدى. ماعجان جۇمابايەۆ اتىنداعى ارنايى جۇلدە مەن «Semser» ادەبي سىيلىعى ولجاس قاسىمعا، ساتتار ەرۋبايەۆ اتىنداعى ارنايى جۇلدە مەن مەن «Semser» ادەبي سىيلىعى ميراس مۇقاشقا، ساعات اشىمبايەۆ اتىنداعى ارنايى جۇلدە مەن «Semser» ادەبي سىيلىعى تۇرسىنبەك باشارعا تاپسىرىلدى. مۇنان بولەك، «مادەنيەت» پورتالى ءوز اتىنان ارنايى جۇلدەلەرمەن جاس قالامگەر ايسۇلۋ جولتاي قىزىن جانە «ۇلتتىق وي- سانانى تيپاجدا بەينەلەۋدەگى سۋرەتكەرلىك شەشىم» اتتى سىن ماقالاسى ءۇشىن دوسبول يسلامدى، ەڭ كوپ وقىلعان اۆتور رەتىندە فاريزا وڭعارسىنوۆا اتىنداعى ارنايى سىيلىقپەن اقمارال تالپاقوۆانى ماراپاتتادى.
سالتاناتتى كەشكە ق ر مەملەكەتتىك سىيلىعىنىڭ يەگەرى الدان سمايىل، جازۋشى- فيلوسوف، بەلگىلى عالىم، اكادەميك عاريفوللا ەسىم، حالىقارالىق سپورت جۋرناليستەرى قاۋىمداستىعىنىڭ لاۋرەاتى، جازۋشى نەسىپ جۇنىسبايەۆ، اقىن سۇراعان راحمەت ۇلى، جازۋشى جولتاي جۇمات- ءالماش ۇلى، ادەبيەت سىنشىسى امانگەلدى كەڭشىلىك ۇلى، اقىن، قازاقستان جازۋشىلار وداعىنىڭ نۇر- سۇلتان قالالىق فيليالىنىڭ ديرەكتورى داۋلەتكەرەي كاپ ۇلى، اقىن باۋىرجان قاراعىز ۇلى جانە باسقا دا لاۋازىمدى تۇلعالار قاتىستى.
بيىلعى «جاستار جىلىنا» ارنالعان بايقاۋ ەرەجەسىنە سايكەس، ونلاين وتكەن بايگەگە ەلىمىزدىڭ تۇكپىر- تۇكپىرىنەن 300 دەن استام شىعارما تۇسكەن. سونىڭ ىشىنەن 220 دان استام جاس قالامگەردىڭ شىعارمالارى تالاپقا ساي دەپ تانىلىپ، پورتالدا جاريالانعان. بايقاۋدا 45 جاسقا دەيىنگى قالامگەرلەر اراسىنان وزىندىك ءستيلىن قالىپتاستىرعان، ءوز وقىرمانى بار تانىمال اقىن- جازۋشىلارمەن قوسا، ادەبيەت ايدىنىنا ەندى قانات قاققان جاس تالانتتار دا باقتارىن سىنادى.
