ا ح ق و سينگاپۋر مەن شاڭحايعا اۋە رەيسىن اشۋدى ۇسىندى
«سوڭعى 12 ايدا وتە جاقسى جەتىستىكتەرگە قول جەتكىزدىك. ءبىزدىڭ رەتتەۋشى اياسىندا 200 دەن استام كومپانيانىڭ تىركەلۋىنە كەلسەك، بۇل كومپانيالار اراسىندا اسا تانىمال ۇيىمداردىڭ بار ەكەنىن ماقتانىشپەن ايتقىم كەلەدى. ماسەلەن، قىتاي دامۋ بانكى، قىتاي قۇرىلىس بانكى بار. سونىمەن بىرگە، «ءبىر بەلدەۋ - ءبىر جول» باستاماسىنىڭ ناعىز قارجىلىق حابىنا اينالعىمىز كەلەدى»، - دەدى قايرات كەلىمبەتوۆ Astana Finance days اياسىندا ءوتىپ جاتقان ا ح ق و كەڭەسىنىڭ وتىرىسىندا.
ونىڭ ايتۋىنشا، ا ح ق و شىن مانىندە ينفراقۇرىلىمدىق جانە قارجىلىق حاب بولا الادى.
«ۇكىمەت پەن ۇلتتىق بانك بۇل جوبانى قولداپ وتىر جانە مۇنداعى ماڭىزدى ماسەلە - باسقا ۇيىمدارمەن ءوزارا بايلانىس. سوندىقتان، قازىر توكيو، سينگاپۋر، شاڭحاي قالالارىنا تىكەلەي اۋە رەيسىن اشۋ جونىندە ۇكىمەتپەن جۇمىس ىستەپ جاتىرمىز. بۇل ا ح ق و- نى ءىرى جاھاندىق قارجىلىق ورتالىقتارمەن بايلانىستىرادى»، - دەپ اتاپ ءوتتى ق. كەلىمبەتوۆ.
ايتا كەتەيىك، ق ر پرەزيدەنتى قاسىم-جومارت توقايەۆتىڭ قاتىسۋىمەن بۇگىن ا ح ق و سوتى مەن حالىقارالىق تورەلىك ورتالىعىنىڭ عيماراتى اشىلدى.
